तारापूर एमआयडीसी स्फोटातील मृतांच्या नातेवाईकांना ५ लाखांची मदत

पालघर : तारापूर एमआयडीसीत रासायनिक कंपनीत स्फोट झाला. या स्फोटात दोन-तीन कंपन्यांना लागलेल्या आगीवर नियंत्रण मिळवण्यात आलं असून कुलिंगचं काम सुरू आहे. स्फोटात आतापर्यंत ८ जणांचा मृत्यू झाला आहे. तर ७ जण जखमी आहेत. जखमींवर रुग्णालयात उपचार सुरु आहेत.

दरम्यान या स्फोटातील मृतांच्या नातेवाईकांना मुख्यमंत्री उद्धव ठाकरेंनी प्रत्येकी ५ लाख रुपयांची मदत जाहीर केली आहे. तर जखमींना संपूर्ण वैद्यकीय साहाय्य देण्यात यावे असे निर्देश प्रशासनाला दिले आहेत.

मुख्यमंत्री मा. श्री. उद्धव बाळासाहेब ठाकरे यांनी आज तारापूर औद्योगिक वसाहतीतील रासायनिक कंपनीत झालेल्या स्फोटातील मृतांच्या नातेवाईकांना प्रत्येकी ५ लाख रुपये घोषित केले असून जखमींना संपूर्ण वैद्यकीय साहाय्य दिले जावे असे निर्देश प्रशासनाला दिले आहेत.

— Office of Uddhav Thackeray (@OfficeofUT) January 11, 2020