पाहा Video; रस्त्यावर उसळल्या लाटा, मुसळधार पावसानं पुण्याला झोडपलं

Heavy rain splashed Pune dagsusheth and major areas

Pune Rains : सोमवारी रात्री 9.30 वाजण्यानंतर पुण्यात पावसानं धुमाकूळ घालण्यास सुरुवात केली (Pune Heavy Rains). पुण्यातला पाऊस इतका धडकी भरवणारा होता, की अनेकांनाच 2019 च्या पुराची आठवण झाली. दक्षिण आणि मध्य पुण्यामध्ये पावसानं लावलेली हजेरी अनेकांनाच महागात पडली. पुण्यातील रस्त्यांवर पाण्याचे लोट वाहू लागले. पाण्याची पातळी बघता बघता इतकी वाढली, की पुण्याच्या रस्त्यांवर लाटा उसळू लागल्या. जणू काही समुद्रालाच उधाण आलं. या लाटा होत्या पावसामुळं तुंबलेल्या पाण्याच्या (waterlogging). 

Pune Rains heavy ... Majority areas are under heavy rain effect #punerains #PuneRains https://t.co/KIzGuNo6ta

— Ranjeet Mohite (@Mohite_Ranjeet_) October 17, 2022

दरम्यान पुण्यातील पावसामुळं विविध भागात पाण्यात अडकलेल्या जवळपास 12 जणांची अग्निशमन दलाने सुटका केली. रात्रभर तुफान पाऊस कोसळत असल्यामुळं येथील रस्त्यांना अक्षरशः नद्यांचं रूप आलं होतं. अनेक भागात झाडं कोसळली, त्यात काही जण जखमी झाले.

पुण्यात सुखसागर नगर, कोंढवा खुर्द, एनआयबीएम रोड, रास्ता पेठ, दारूवाला पूल, हडपसर गाडीतळ, शिवाजीनगर पोलीस मुख्यालय, मंगळवार पेठ, शिवाजी स्टेडियम, कसबा पेठ, नारायण पेठ, मोदी गणपती, औंध, डीएव्ही स्कूल गल्ली, पर्वती पायथा भाग, मित्रमंडळ चौक, गंजपेठ या भागात प्रचंड पाणी साचलं होतं.अनेक घरात पाणी शिरल्यामुळे लोकांची रात्र जागून गेली.

Maharashtra | Heavy rainfall causes waterlogging in several parts of Pune; several trees were uprooted pic.twitter.com/M7wCxJ9avM

— ANI (@ANI) October 18, 2022

दगडूशेठ गणपती रोड, काय वाट लावून ठेवलीय पुण्याची...#punerains pic.twitter.com/WhuMC6PA4C

— Vinayak Kale (@kale_vp) October 18, 2022

पर्वती, रमणा गणपती भागात भिंत कोसळण्याचे प्रकार घडले तर हडपसर, आकाशवाणी, चंदननगर, बिडी कामगार वसाहत या भागात रिक्षावर झाडं कोसळण्याच्या घटना घडल्या. मंगळवार पेठेत स्वरूपवर्धिनीजवळ एक कुटुंब पाण्यात अडकलं होतं. त्यांना अग्निशमन दलानं वाचवलं. कोंढवा खुर्द भाजी मंडईलगत 7 नागरिक पाण्यात अडकले होते. त्यांना वाचवण्यात आलं.

पुण्यातील श्रीमंत दगडुशेठ मंदिरातही (Pune Dagdusheth halwai ganpati mandir) पाणी शिरलं होतं. मंडळाच्या कार्यकर्त्यांनी मंदिरातील पाणी बाहेर काढण्यात आलं. तर तिथे श्रीमंत भाऊ रंगारी गणपती (Bhau Rangari gapnati) ट्रस्टच्या संग्रहालयाला देखील पावसाचा फटका बसला. संग्रहालयातील खुर्च्या तसंच इतर साहित्य पाण्याखाली गेलं होतं. पाणी बाहेर काढताना कार्यकर्त्यांना मोठ्या त्रासाला सामोरं जावं लागलं.