Konkan Railway चा मोठा निर्णय; आता गणेशोत्सवादरम्यानच्या तिकीटाचीही चिंता मिटली
Konkan Railway Monsoon timetable : कोकणात जायचं म्हटलं की अनेकदा रेल्वेलाच पसंती मिळते. पण, या रेल्वेचं तिकीट मिळवणं म्हणजे मोठं आव्हानच.
 "Konkan Railway चा मोठा निर्णय; आता गणेशोत्सवादरम्यानच्या तिकीटाचीही चिंता मिटली")
Konkan Railway Monsoon timetable : कोकणात जाणाऱ्यांना रेल्वे विभागाकडून अनेकदा दिलासा दिला जातो. सणउत्सवांच्या निमित्तानं राज्याच्या या भागाकडे असणारा अनेकांचाच ओघ पाहता रेल्वे विभागही सातत्यानं प्रवाशांना रेल्वे सुविधा पुरवत त्यांच्या अपेक्षा पूर्ण करत असतो. याच कोकण विभागानं आगामी (Monsoon 2024) मान्सूनचा हंगाम लक्षात घेत आतापासूनच रेल्वे विभागाकडून तयारीला सुरुवात झाली आहे.
उपलब्ध माहितीनुसार विशेष बाब म्हणून होळीनिमित्त सुरु करण्यात आलेल्या नागपूर- मडगांव जंक्शन नागपूर या आठवड्यातून दोनदा धावणाऱ्या विशेष रेल्वे गाड्यांची सेवा थेट सप्टेंबरपर्यंत सुरु ठेवण्याचा निर्णय कोकण रेल्वेनं घेतला आहे.
विषेश रेल्वेला मुदतवाढ देण्यापूर्वी ही सेवा 31 मार्चपर्यंतच सुरु ठेवण्याचा निर्णय झाला होता. पण, प्रवाशांच्या गरजा पाहता मध्य रेल्वेशी समन्वय साधत या गाड्यांचा विस्तार तूर्तास 9 जूनपपर्यंत करण्याचा निर्णय झाला आहे. पुढं ही सेवा सप्टेंबरपर्यंत वाढवली जाणार असल्याची माहितीही समोर येत असल्यामुळं आता प्रवाशांना थेट गणेशोत्सवापर्यंतच्या (Ganeshotsav 2024) तिकीटांमध्येही मोठा दिलासा मिळणार हेच स्पष्ट होत आहे.
हेसुद्धा वाचा : Loksabha Election 2024 : '...तर याद राखा'; लोकसभा निवडणुकीच्या तिकीट वाटपानंतर मोदींकडून उमेदवारांना ताकीद
कोकण रेल्वेच्या सुधारित वेळापत्रकानुसार नागपूर-मडगाव-जंक्शन ही गाडी 3 एप्रिल ते 8 जून दरम्यान प्रत्येक आठवड्यातून बुधवार आणि शनिवार अशा दोन दिवशी धावणार आहे. मडगाव जंक्शन- नागपूर ही विशेष गाडी 4 एप्रिल ते 9 जून दरम्यान पावसाळी दिवस वगळता आठवड्यातून दोन दिवस धावणार आहे. ही रेल्वेगाडी वर्धा जंक्शन, पुलगाव, शेगाव, मलकापूर, भुसावळ जंक्शन, नाशिक रोड, इगतपुरी, कल्याण, पनवेल, रोहा, माणगाव, खेड, चिपळूण, संगमेश्वर रोड, रत्नागिरी, राजापूर रोड, कणकवली, कुडाळ, करमाळीसह इतर स्थानकांवर थांबेल,
Sayali Patil
सायली पाटील या 'झी 24 तास डिजीटल'मध्ये सिनियर सब एडिटर पदावर कार्यरत असून, त्यांना पत्रकारिता क्षेत्रातील 11 वर्षांचा अनुभव आहे. त्यांनी 'लोकमत', 'लोकसत्ता' या वृत्तपत्रांसाठी काम केलं. 'लोकसत्ता'मधील 'VIVA' या जीवनशैली विषयावर आधारित पुरवणीसाठी त्यांनी लिखाण केलं पुढे त्यांनी लोकसत्ता डिजीटलसाठी काम केलं. त्यांनी 'एबीपी माझा' च्या डिजीटल टीमसोबत कामाचा अनुभव घेत 2021 मध्ये पुन्हा एकदा 'झी 24 तास डिजीटल'मध्ये रुजू होत विविध विषयांवरील बातम्यांमध्ये योगदान दिलं. मनोरंजन आणि Lifestyle विषयांतील सुरुवातीचा अनुभव आणि त्यानंतर राजकारण, आरोग्य, प्रवास, राज्यस्तरीय बातम्यांमध्येही त्यांचा हातखंड आहे. सिनेमांचं समीक्षण, राष्ट्रीय स्तरावरील वृत्त, जागतिक स्तरावरील घडामोडी, हवामान वृत्त आणि खगोलशास्त्राश, पुरातत्त्वं विभागाच्या संशोधनासंदर्भातील बातम्यांमध्ये त्यांना विशेष रुची आहे. भटकंती, सिनेमा, विज्ञान, खाद्यसंस्कृती हे त्यांच्या विशेष आवडीचे विषय आहेत.
...Read More