Lok Sabha Election 2024 : विदर्भातील 5 जागांवर अशा रंगणार लढती! नागपूरमध्ये गडकरी विरुद्ध ठाकरे तर चंद्रपूरमध्ये...
Lok Sabha Election 2024 : पहिल्या टप्प्यातील लढती निश्चित झाल्या असून भाजप विरुद्ध काँग्रेस अशी काँटे की टक्कर असणार आहे.
 "Lok Sabha Election 2024 : विदर्भातील 5 जागांवर अशा रंगणार लढती! नागपूरमध्ये गडकरी विरुद्ध ठाकरे तर चंद्रपूरमध्ये...")
Lok Sabha Elections First Phase in Maharashtra : लोकसभा निवडणुकीचा पहिला टप्प्यासाठी मतदान हे 19 एप्रिलला होणार आहे. जागावाटपाचा घोळ अजूनही सुरु असताना दुसरीकडे पहिल्या टप्प्यातील लढती मात्र निश्चित झाल्या आहेत. पहिल्या टप्प्यात विदर्भातील नागपूर, रामटेक, गडचिरोली, भंडारा - गोंदिया आणि चंद्रपूरमध्ये मतदान होणार आहे. या जागांवर काँग्रेस आणि भाजप शिवसेनेचे उमेदवार जाहीर झाल्यामुळे महाराष्ट्रातील पहिल्या टप्प्यातील चित्र आता स्पष्ट झालंय. (Lok Sabha Elections First Phase in Maharashtra nagpur ramtek Gadchiroli Bhandara Gondia Chandrapur)
उमेदवारी अर्ज भरताना पक्षाचं शक्तीप्रदर्शन!
नागपूर लोकसभा मतदारसंघात आज काँग्रेसचे उमेदवार विकास ठाकरे नामांकन अर्ज दाखल करणार आहेत. संविधान चौक ते कलेक्टर ऑफिसपर्यंत रॅली काढून ठाकरेसह काँग्रेस शक्तीप्रदर्शन करणार आहे. विकास ठाकरे यांच्यासोबत काँग्रेस प्रदेशाध्यक्ष नाना पटोले आणि महाविकास आघाडीचे नेते, कार्यकर्ते उपस्थित असणार आहे.
चंद्रपुरातही भाजपचं शक्तीप्रदर्शन!
राज्याचे वनमंत्री आणि चंद्रपूर लोकसभेचे भाजप उमेदवार सुधीर मुनगंटीवार आज उमेदवारी अर्ज जिल्हाधिकारी कार्यालयात दाखल करणार आहे. उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे आणि अन्य दिग्गज नेते मंडळी मुनगंटीवार यांना समर्थन देण्यासाठी चंद्रपुरात येणार आहे. शहरातील छत्रपती शिवाजी महाराज भित्तीशिल्पापासून रॅलीला काढून ही मंडळी जिल्हाधिकारी कार्यालयात हजर राहणार आहे.
गडचिरोलीतही राजकीय धुराळा!
गडचिरोली लोकसभेतील भाजप उमेदवार अशोक नेते आज उमेदवारी अर्ज जिल्हाधिकारी कार्यालयात भरणार आहे. चंद्रपूरनंतर राज्याचे उपमुख्यमंत्री आणि जिल्ह्याचे पालकमंत्री देवेंद्र फडणवीस यांच्यासह भाजप प्रदेशाध्यक्ष चंद्रशेखर बावनकुळे उपस्थिती असणार आहे. उमेदवारी अर्ज भरल्या जाताना अशोक नेते आणि भाजप कार्यकर्ते आपली ताकद दाखविण्यासाठी रॅली काढणार आहे.
विदर्भातील अशा असणार लढती
नागपूर - नितीन गडकरी (भाजप) विरुद्ध आ.विकास ठाकरे (काँग्रेस)
रामटेक - राजू पारवे (एकनाथ शिंदेंची शिवसेना) विरुद्ध रश्मी बर्वे (काँग्रेस)
गडचिरोली - अशोक नेते (भाजप) विरुद्ध डॉ. नामदेव किरसान (काँग्रेस)
भंडारा - गोंदिया सुनील मेंढे (भाजप) विरुद्ध प्रशांत पडोळे (काँग्रेस)
चंद्रपूर - सुधीर मुनगंटीवार विरुद्ध आ. प्रतिभा धानोरकर (काँग्रेस)
Neha Choudhary
नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत. इथे त्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही त्या लिखाण करतात. तर आरोग्य, लाइफस्टाइल या बातम्यांमध्ये विशेष रुची आहे. तर गेल्या 2 वर्षांपासून त्यांनी ज्योतिष आणि धर्म यावर काम करत आहेत. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व याची त्या त्यांचा बातम्यांमधून समतोल राखतात. त्यांच्या मोकळ्या वेळेत त्यांना धार्मिक ग्रंथांच वाचन तसंच प्रवास, संगीताची आवड आहे.
...Read More
LIVE