Loksabha Election 2024 Live : आगामी लोकसभा निवडणुकीच्या धर्तीवर राज्याच्या राजकारणात बरीच उलथापालथ सुरु आहे. बारामती मतदार संघात खुद्द सुनेत्रा पवार यांनी गावखेड्यात जाऊन सामान्यांच्या भेटीगाठी सुरु केलेल्या असतानाच आता अजित पवार गटाच्या अंतिम उमेदवार यादीकडे सर्वांचं लक्ष लागलं आहे. तिथं विदर्भात उमेदवारी अर्ज भरण्यासाठी नावं जाहीर झालेल्या नेतेमंडळींची लगबगही सुरु आहे. तर, शिवसेनेच्या उद्धव बाळासाहेब ठाकरे गटाकडून नुकतीच 17 उमेदवारांची पहिली यादी जाहीर करण्यात आली आहे.
राज्याच्या इतरही भागांमध्ये अनेक राजकीय घडामोडींना वेग आला आहे. काय आहेत त्या घडामोडी? इथं पाहा वेगवान अपडेट....
27 Mar 2024, 10:04 वाजता
Loksabha Election 2024 Live Updates : नितीन गडकरी दाखल करणार उमेदवारी अर्ज
केंद्रीय मंत्री नितीन गडकरी आणि रामटेकचे शिवसेनेचे लोकसभा उमेदवार राजू पारवे हे आज उमेदवारी अर्ज दाखल करणार आहेत. यावेळी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि भाजपचे महाराष्ट्र प्रदेशाध्यक्ष चंद्रशेखर बावनकुळे यांची उपस्थिती असेल. यासोबतच पीपल्स रिपब्लिकन पार्टीचे नेते प्रा. जोगेंद्र कवाडे, माजी राज्यमंत्री श्रीमती सुलेखाताई कुंभारे हे देखील उपस्थित राहतील. जिल्हाधिकारी कार्यालयात अर्ज दाखल करण्यापूर्वी नितीन गडकरी डॉ. बाबासाहेब आंबेडकर आणि बख्त बुलंद शहा चौकात चौकात गोंड राजे बख्त बुलंद शाह यांच्या पुतळ्याला माल्यार्पण करून अभिवादन करतील. त्यानंतर ते जिल्हाधिकारी कार्यालयाकडे रवाना होतील.
27 Mar 2024, 10:02 वाजता
Loksabha Election 2024 Live Updates : लोकसभा निवडणुकीच्या धर्तीवर मनसेची बैठक...
लोकसभा निवडणुकांच्या पार्श्वभूमीवर बैठक आयोजित करण्यात आली आहे. मनसेच्या महायुतीमधील सहभाग,मनसेला देण्यात येणाऱ्या जागा हे मुद्दे चर्चेत असतानाच सकाळी मनसेची बैठक पार पडणार आहे.
