Maharashtra Breaking News LIVE: हिवाळी अधिवेशनाची सांगता झाल्यानंतर आता राज्याच्या मंत्रिमंडळातील घडामोडी इथपासून अनेकही कैक महत्त्वाच्या घडामोडींवर सर्वांचच लक्ष असणार आहे. काय आहेत त्या सर्व बातम्या... पाहा एका क्लिकवर Live
23 Dec 2024, 08:34 वाजता
प्रजासत्ताक दिनाच्या संचलनात महाराष्ट्राचा चित्ररथ तूर्तास नाही
प्रजासत्ताक दिनाच्या संचलनात महाराष्ट्राचा चित्ररथ तूर्तास नाही. कर्तव्यपथावरील प्रतिष्ठेच्या संचलनासाठी यंदा 15 राज्ये आणि केंद्रशासित प्रदेशांचे चित्ररथ निवडण्यात आले आहेत. यामध्ये गुजरात, उत्तर प्रदेश, बिहार, चंडीगड, दादरा आणि नगर हवेली, दमण आणि दीव, गोवा, झारखंड, कर्नाटक, मध्य प्रदेश, पंजाब, उत्तराखंड, आंध्र प्रदेश, त्रिपुरा, पश्चिम बंगाल आणि हरियाणा या यादीत महाराष्ट्राला तूर्तास स्थान मिळालेले नाही. राजधानी दिल्लीच्या चित्ररथालाही परवानगी नाकारण्यात आल्याचे असं समजून येते.
23 Dec 2024, 08:26 वाजता
मंत्र्यांचं खातेवाटप झालं; आता पालकमंत्रिपदावरून रस्सीखेच सुरू
देवेंद्र फडणवीस यांच्या सरकारमधील मंत्र्यांचं खातेवाटप झालंय.. त्यानंतर लगेचच पालकमंत्रिपदावरून दावे प्रतिदावे करण्यात येतायेत.. यामध्ये शिवसेनेच्या आमदारांनी आघाडी घेतल्याचं दिसतंय.. संजय शिरसाट यांनी मंत्री झाल्यानंतर लगेचच संभाजीनगरच्या पालकमंत्रिपदावर दावा केलाय.. राष्ट्रवादीच्या आदिती तटकरे या रायगड जिल्ह्याच्या पालकमंत्रीपदासाठी इच्छुक आहे तर दुसरीकडे भरत गोगावले यांनीही पालकमंत्रीपदावर दावा केलाय..तर दुसरीकडे मंत्रालयातील दालनावरूनही मंत्र्यांमध्ये रुसवे-फुगवे असल्याचं दिसतंय..
23 Dec 2024, 08:14 वाजता
आरोग्य उपकेंद्र धुळखात पडून
धुळे जिल्हा परिषदेच्या भोंगळ कारभारामुळे अजंग गावातील प्राथमिक आरोग्य उपकेंद्र हे गेल्या पाच वर्षापासून धुळखात पडून आहे. आरोग्य विभागाच्या या ढिसाळ कारभारामुळे मात्र स्थानिक नागरिकांना त्रास सहन करावा लागत आहे. सर्दी, खोकला, ताप अशा आजारांसाठी नागरिकांना तब्बल 12 ते 15 किलोमीटर लांब अंतरावर असलेल्या रुग्णालयांमध्ये उपचार घ्यावे लागत आहेत. मात्र गेल्या पाच वर्षापासून तयार असलेल्या या उपकेंद्राचे उद्घाटन करून ते सुरू करण्याचे औदार्य प्रशासनाने दाखवलेला नाही. स्थानिक लोकप्रतिनिधी देखील याबाबत कमालीचे उदासीन आहेत. हे उपकेंद्र सुरू करण्यात यावं अशी मागणी स्थानिक नागरिकांनी केलेले आहे. उपकेंद्र सुरू न केल्यास आंदोलन करण्याचा इशारा हे नागरिकांनी दिलेला आहे. आरोग्य विभाग आता तरी जागा होईल का? हाच खरा प्रश्न आहे
23 Dec 2024, 08:06 वाजता
चालत्या कारने घेतला पेट; कारच्या स्फोटात चालकाचा होरपळून मृत्यू
सांगलीच्या रत्नागिरी-नागपूर महामार्गावरील बोरगाव टोलनाका येथे चालत्या सीएनजी कारने पेट घेतल्याने स्फोट होऊन चालकाचा जळून मृत्यू झाला आहे. गणेश माळवदे,वय 27 असे या चालकाचे नाव आहे.कवठेमहांकाळकडून मिरजेकडे जात असताना बोरगाव टोल नाका येथे सीएनजी कार असणाऱ्या गाडीने अचानक पेट घेतला,त्यानंतर काही क्षणातच पेटलेल्या गाडीत स्फोट होऊन गाडीच्या आत अडकलेल्या चालकाचा होरपळून मृत्यू झाला. आग लागल्यानंतर गाडीचे चारही दरवाजे लॉक झाली, त्यामुळे चालक गणेश याला बाहेर पडता आलं नाही,त्यामुळे गाडीसह तो आगीत जळुन मृत्यूमुखी पडला आहे.
23 Dec 2024, 07:29 वाजता
एस टी तोट्यात; दररोज सुमारे तीन ते साडेतीन कोटींचा तोटा
एसटी महामंडळ संकटात सापडले असून एस टी ला दररोज सुमारे तीन ते साडेतीन कोटींचा तोटा होत आहे. यामुळे एसटी संकटात सापडली आहे. या संकटातून एसटीला बाहेर काढण्यासाठी निधीची प्रतीक्षा आहे. नुकत्याच पार पडलेल्या नागपूरच्या हिवाळी अधिवेशनात एसटीच्या प्रश्नाबाबत चर्चा झाली नसल्याचा आरोप महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी केला आहे. नागपूर हिवाळी अधिवेशनात कुठल्याही पक्षाच्या सदस्याने विधिमंडळाच्या दोन्ही सभागृहांत याबाबत प्रश्न उपस्थित केला नसल्याचे बरगे म्हणाले.
23 Dec 2024, 07:13 वाजता
मुंबईतील वडाळा येथे कारखाली चिरडून 4 वर्षांच्या मुलाचा मृत्यू
मुंबईतील वडाळामध्ये कारखाली चिरडून 4 वर्षांच्या मुलाचा मृत्यू झाला. वडाळ्यातल्या डॉक्टर बाबासाहेब आंबेडकर कॉलेज इथली ही दुर्घटना आहे. कार मागे घेत असताना आयुष लक्ष्मण किनवाडे याला गाडीची धडक बसली. यात त्याचा मृत्यू झाला. या प्रकरणी कार चालकाला अटक करण्यात आली.
हेसुद्धा वाचा : भीषण! पुण्यात मद्यधुंद डंपर चालकाने 9 जणांना चिरडलं; तिघांचा मृत्यू
23 Dec 2024, 07:10 वाजता
कॅग अहवालावर मुख्यमंत्र्यांची प्रतिक्रिया
मुख्यमंत्री देवेंद्र फडणवीसांनी कॅग अहवालावर प्रतिक्रिया दिलीय. कोरोना काळात औषधांमध्ये झालेला घोटाळा ही गंभीर बाब असल्याचं फडणवीस म्हणालेत. तर या अहवालाचा अभ्यास करून त्यावर प्रतिक्रिया देणार असल्याचंही फडणवीस म्हणाले.
23 Dec 2024, 06:49 वाजता
राज्यसभेवर जाण्याची ऑफर; छगन भुजबळ यांची तीव्र नाराजी
राज्यसभेवर जाण्याची ऑफर देण्यावरुन छगन भुजबळ यांनी तीव्र नाराजी व्यक्त केली. आधी लोकसभा निवडणूक लढायला सांगितलं. नंतर राज्यात तुमची गरज असल्याचं सांगत लोकसभेचं तिकीट नाकारलंत. आता पुन्हा राज्यसभेवर जायला सांगितलं अशा शब्दांत भुजबळांनी आपली नाराजी व्यक्त केली.
23 Dec 2024, 06:48 वाजता
आरक्षणाच्या संरक्षणासाठी ओबीसींचा पुन्हा एल्गार
जरांगेंचं उपोषण सुरु होताच ओबीसी रस्त्यावर उतरणार. ओबीसींच्या आरक्षणासाठी आंदोलन करणार. ओबीसी नेते प्रकाश शेंडगे यांची माहिती. मराठा आरक्षणाच्या मागणीसाठी 25 जानेवारीपासून मनोज जरांगे उपोषण करणार. तर जरांगेंचं उपोषण सुरु होताच ओबीसींचं आंदोलन सुरु होणार. प्रकाश शेंडगे यांची माहिती.
23 Dec 2024, 06:47 वाजता
मंत्री उदय सामंत आज बीड, परभणी दौ-यावर
मंत्री उदय सामंत आज बीड, परभणी दौ-यावर. मस्साजोगमध्ये संतोष देशमुख कुटुंबीयांची घेणार भेट. परभणीत सोमनाथ सूर्यवंशीच्या कुटुंबीयांची घेणार भेट, उदय सामंत दोन्ही कुटुंबीयांचं सांत्वन करणार
