2 Jun 2024, 08:56 वाजता
सांगली दुष्काळासंदर्भात जिल्हाधिकाऱ्यांनी चुकीची माहिती दिली - पडळकर
Gopichand Padalkar On Sangli Drought : सांगलीत दुष्काळी परिस्थिती गंभीर असताना अधिका-यांनी जिल्हाधिकाऱ्यांना चुकीची माहिती दिली, असा आरोप गोपीचंद पडळकर यांनी केलाय...चुकीची माहिती देणा-यांवर कारवाई करा, अशी मागणीही पडळकरांनी केली...यावेळी त्यांनी जयंत पाटलांवर निशाणा साधला...जतच्या म्हैसाळ विस्तारित सिंचन योजनेसाठी पालकमंत्री असताना पाटलांनी एक रुपयाचा निधी दिला नाही, असा आरोप पडळकरांनी केलाय...
बातमीचा व्हिडीओ पाहा -
2 Jun 2024, 08:49 वाजता
एक्झिट पोलवर विश्वास नाही - बच्चू कडू
Bacchu Kadu On Exit Poll : एक्झिट पोलवर आमदार बच्चू कडू यांनी आपली प्रतिक्रिया दिलीय...एक्झिट पोलवर मला विश्वास नाही, एक्झिट पोलचे अंदाज खरे ठरणार नाहीत...अमरावतीत प्रहारचे दिनेश बुब जिंकणार असल्याचा मोठा दावा बच्चू कडू यांनी केलाय...पोलमध्ये भाजपच्या नवनीत राणा जिंकतील असा अंदाज वर्तवण्यात आलाय...त्यामुळे आता चार तारखेला निकाल कोणाच्या बाजूने जातो याकडे सर्वांचे लक्ष लागलंय...
बातमीचा व्हिडीओ पाहा -
2 Jun 2024, 08:47 वाजता
मध्य रेल्वेचा मेगाब्लॉक आज संपुष्टात येणार
Central Railway Megablock : मध्य रेल्वेने जाहीर केलेला CSMT ते ठाणे दरम्यानचा 63 तासांचा मेगा ब्लॉक आज संपुष्टात येणार आहे..दुपारी 12:30 वाजता CSMT स्थानकावराचा ब्लॉक संपुष्टात येणार आहे.. CSMT ते ठाणे या मार्गावर दुपारी 3 नंतर लोकल सेवा नियमितपणे पुरवली जाणार आहे..
बातमीचा व्हिडीओ पाहा -
2 Jun 2024, 08:45 वाजता
दक्षिण मुंबईत दोन दिवस पाणीपुरवठा बंद
Mumbai Water : दक्षिण मुंबईत दोन दिवस पाणीपुरवठा बंद राहाणार आहे.. 6 आणि 7 जूनला मुंबईतील जी दक्षिण विभाग म्हणजे करी रोड, डिलाईल रोड, लोअर परळ या भागातील पाणीपुरठा बंद ठेवण्यात येणार आहे. 6 आणि 7 जूनला या भागातील जलवाहिनीच्या दुरुस्तीचं काम केलं जाणार आहे.. या कामासाठी 17 तासांचा कालावधी लागेल.. त्यामुळे 6 जूनला रात्री 9:45 पासून 7 जून दुपारी 3 वाजेपर्यंत पाणीपुरवठा बंद ठेवण्यात येईल.. त्यामुळे नागरिकांनी पाण्याचा साठा करुन ठेवावा तसंच पाण्याचा वापर काटकसरीनं करावा असं आवाहन बीएमसीकडून करण्यात आलंय.
बातमीचा व्हिडीओ पाहा -
2 Jun 2024, 08:28 वाजता
मान्सून आज दक्षिण कर्नाटकात दाखल होणार
Monsoon Update : नैऋत्य मान्सून आज दक्षिण कर्नाटकात पोहोचू शकतो, असा अंदाज हवामान खात्यानं वर्तवलाय. तर पुढील 8 दिवसांत मान्सून महाराष्ट्रात दाखल होणारेय. केरळच्या उत्तर भागात मुसळधार पाऊस सुरूच आहे. मलप्पुरम, कोझिकोड, वायनाड, एर्नाकुलम आणि इडुक्कीसह 6 जिल्ह्यांत यलो अलर्ट जारी करण्यात आलाय. केरळमध्ये आजही मुसळधार पाऊस सुरू होण्याची शक्यता आहे.
बातमीचा व्हिडीओ पाहा -
2 Jun 2024, 08:25 वाजता
तळेगावात ड्रंक अँड ड्राईव्ह
Maval Accident : तळेगाव दाभाडे नगरपरिषदेचे मुख्याधिकारी एन के पाटील यांच्या गाडीनं दोन कारला धडक दिली. ही घटना तळेगाव दाभाडे शहरात घडली. हा प्रकार ड्रंक अँड ड्राईव्हचा असल्याचं म्हटलं जातंय. याप्रकरणी तळेगाव दाभाडे पोलीस ठाण्यात तक्रार नोंदवण्यात आलीय. याबाबत सिद्धराम इरप्पा लोणीकर यांनी तळेगाव दाभाडे पोलीस ठाण्यात तक्रार दिली. त्यानुसार मुख्याधिकारी पाटील यांच्यावर गुन्हा दाखल करण्यात आलाय. पोलिसांनी मुख्याधिकारी पाटील यांना वैद्यकीय तपासणीसाठी ताब्यात घेतलं असून मद्यपान चाचणी करण्यासाठी पिंपरीतील वायसीएम रुग्णालयात नेलंय.
बातमीचा व्हिडीओ पाहा -
