31 May 2024, 18:22 वाजता
आरोपी सुरेंद्र आणि विशाल अग्रवाल दोघांना 14 दिवसांची न्यायालयीन कोठडी
Pune Car Accident Update : पुणे अपघात प्रकरणात ड्रायव्हरला डांबून ठेवणं आणि धमकी देवून पुरावे नष्ट करण्याचा प्रयत्न केल्याचा आरोप सुरेंद्र आणि विशाल अग्रवालवर आहे...दोघांनाही आज 14 दिवसांची न्यायालयीन कोठडी सुनावण्यात आलीये...सुरेंद्र अग्रवालच्या जामीनाचा मार्ग मोकळा झाला असून विशाल अग्रवालच्या भोवती सापळा अजून सैल झालेला नाही...विशाल अग्रवालवर ससूनमधील रक्ताचे नमुने फेरफार प्रकरणातही आरोप आहेत...त्यामुळे पुणे पोलीस त्याला या गुन्ह्यात वर्ग करून घेण्यासाठी अर्ज करणारेत...न्यायलयाची मंजुरी मिळताच त्याला तिस-यांदा अटक करण्यात येईल...रक्त नुमने फेरफार प्रकरणात अनेक गोष्टींचा उलगडा होणं बाकी असल्याचं पोलिसांचं म्हणण आहे.
बातमीचा व्हिडीओ पाहा -
31 May 2024, 17:04 वाजता
इंजिनीअरिंग सेमिस्टर 8ची परीक्षा, BMS 5 वर्षे इंटिग्रेटेड सेमिस्टर 2ची परीक्षा पुढे ढकलली
Mumbai University Exam Postponed : मुंबई विद्यापीठाच्या उद्याच्या परीक्षा पुढे ढकलण्यात आल्या आहेत. मध्य रेल्वेनं 63 तासांचा जम्बो ब्लॉक घेतला आहे. तसंच CSMT ते भायखळा आणि CSMT ते वडाळा रोड दरम्यानही 36 तासांचा विशेष जम्बो ब्लॉक घेतला जाणार आहे. त्यामुळे होणारी विद्यार्थ्यांची गैरसोय टाळण्यासाठी मुंबई विद्यापीठानं हा महत्त्वाचा निर्णय घेतला आहे. तर या परीक्षांची नवी तारीख लवकरच कळवली जाणार आहे.
31 May 2024, 14:22 वाजता
पंढरपूरच्या विठ्ठल गाभाऱ्यासमोर आढळलं तळघर
Pandharpur Vitthal Temple : पंढरपूरच्या विठ्ठल गाभाऱ्यासमोर तळघर आढळलं...खचलेला दगड काढताना आढळलं तळघर...पुरातत्व विभागाचे अधिकारी करणार पाहणी...पुरातन काळातील काही माहिती, रहस्य समोर येणार?
31 May 2024, 14:01 वाजता
मनोज जरांगे यांना दिलासा, जरांगेंविरोधातील वॉरंट रद्द
Manoj Jarange : मनोज जरांगेंविरोधातील वॉरंट रद्द करण्यात आलंय...तसंच वॉरंट रद्द करताना कोर्टाने जरांगेंना 500 रुपयाचा दंड देखील ठोठावलाय...2013 मध्ये एका नाटकाचे आयोजन केलं होतं...त्या नाटकाचा प्रयोग झाल्यानंतर पैसे देण्यात आले नव्हते असा फसवणुकीचा आरोप जरांगेंवर होता...त्या फसवणुकीच्या गुन्ह्यात जरांगेंविरोधात वॉरंट जारी झालं होतं...त्यानंतर जरांगे आज कोर्टात हजर झाले...अखेर त्यांना कोर्टाकडून दिलासा मिळालाय...
31 May 2024, 13:34 वाजता
उद्धव ठाकरेंच्या अडचणीत वाढ होणार?
Uddhav Thackeray : मुंबईतील मतदानाच्या दिवशी उद्धव ठाकरेंनी घेतलेल्या पत्रकार परिषद संदर्भात राज्य निवडणूक आयोगाने केंद्रिय निवडणूक आयोगाला अहवाल पाठवला...पत्रकार परिषदेवर आक्षेप घेत भाजप नेते आशिष शेलार यांनी केंद्रीय निवडणूक आयोगाकडे तक्रार केली होती...त्यानंतर यासंदर्भात चौकशी करण्याचे आदेश केंद्रीय निवडणूक आयोगाने राज्य निवडणूक आयोगाला दिले होते...त्यानुसार पत्रकार परिषद तपासून तसा अहवाल केंद्रीय निवडणूक आयोगाला पाठवला...राज्य निवडणूक आयोगाने तपासणी करून पत्रकार परिषदेचा संपूर्ण मसुदा इंग्रजीत भाषांतर करून केंद्रीय निवडणूक आयोगाकडे पाठवला...
आता केंद्रीय निवडणूक आयोग काय निर्णय घेणार हे पाहणे महत्त्वाचे असणार आहे...
31 May 2024, 13:01 वाजता
छगन भुजबळ महायुतीत नाराज?
Chhagan Bhujbal : मंत्री छगन भुजबळ हे नाराज असल्याची चर्चा जोरात सुरू आहे...काही दिवसांपूर्वीच भुजबळांनी शरद पवार, उद्धव ठाकरेंना सहानुभूती असल्याचं म्हटलं होतं...तर कालच भुजबळांनी मनुस्मृतीवरून जितेंद्र आव्हाडांची पाठराखण केलीय...त्यामुळे भुजबळ महायुतीत नाराज असल्याची चर्चा होतेय...मात्र, मी नाराज नाही, लोकसभा सोडली, राज्यसभेचं देखील सोडा...असं मिश्किलपणे भुजबळांनी म्हटलंय...
31 May 2024, 12:46 वाजता
विशाल अग्रवालच्या हॉटेलमधील बारवर कारवाई
Pune Car Accident Case : पुणे कार अपघातातील आरोपी विशाल अग्रवालचं महाबळेश्वर कनेक्शन उघड झालंय. महाबळेश्वरमधलं एमपीएजी क्लब हे हॉटेल विशाल अग्रवालच्या मालकीचं असल्याचं समोर आलंय. या हॉटेलमध्ये अनधिकृत बार चालवला जात होता. त्यावर जिल्हा प्रशासनानं कारवाईचा बडगा उगारलाय. पोलिसांनी हा बार सील केला असून त्याचा परवानाही निलंबित करण्यात आलाय. ही जागा शासनानं पारसी जिमखाना यांना भाडे पट्टयावर रहिवासी कारणासाठी दिलेली आहे. मात्र त्या ठिकाणी हॉटेल उभारुन मोठ्या प्रमाणात वाणिज्य वापर केला जात असल्याचे समोर आलंय. प्रशासनानं बार बंद करून अग्रवालला दणका दिला असला तरी अनधिकृतपणे चालवले जाणारे हे हॉटेल कधी सील करणार असा सवाल विचारला जातोय.
31 May 2024, 12:27 वाजता
अमरावती हिट अँड रनप्रकरणातील आरोपींना अटक
Amravati Hit And Run Case : अमरावती जिल्ह्यातील हिट अँड रन प्रकरणातील आरोपींना पकडण्यात पोलीसांना अखेर यश आलंय.. तब्बल 27 दिवसानंतर पोलिसांनी याप्रकरणातील आरोपींना अटक केली असून यातील प्रमुख आरोपी हा आदिवासी आश्रम शाळेतील शिक्षक असल्याचं निष्पन्न झालंय.. 3 मे रोजी या आरोपींना भीमसेन वाहने या दुचाकी स्वाराला उडवलं होतं.. त्यांनतर जखमी भीमसेन यांना जागेवर टाकून हे आरोपी घटनस्थावरुन फरार झाले.. या दुर्घटनेत भीमसे वाहने यांचा मृत्यू झाला.. या आरोपींचा शोध घेण्यासाठी पोलिसांनी 4 पथकं तैनात केली होती... अखेर आज या आरोपींना पोलिसांनी बेड्या ठोकल्यात..
31 May 2024, 11:34 वाजता
मराठा समाजाच्या जाहिरातीसाठी सरकार करणार 26 कोटी खर्च
Maratha Community Advertisements : मराठा समाजाच्या योजनांच्या प्रसिद्धीसाठी आराखडा.....माहिती व जनसंपर्क संचालनालयाने काल केला आराखडा प्रसिद्........प्रसिद्धीसाठी सरकार खर्च करणार तब्बल २६ कोटी रुपये........योजनांची माहिती मराठा समाजापर्यंत पोचवण्याठी सरकारी जाहिराती
बातमीचा व्हिडीओ पाहा-
31 May 2024, 11:02 वाजता
'महिलेला मारण्याचा प्रयत्न ही घटना दुर्दैवी', सुप्रिया सुळेंचं वक्तव्य
Supriya Sule : पुण्यातील या घटनेवरून सुप्रिया सुळेंनी प्रतिक्रिया दिलीय...महिलेला मारण्याचा प्रयत्न ही घटना अतिशय दुर्दैवी घटना आहे...पुण्यात हिट अॅण्ड रन, ड्रग्ज सापडतं, आता महिलेला गाडण्याचा प्रयत्न होतोय...नक्की पुणे जिल्ह्यात चाललंय तरी काय? असा सवाल सुळेंनी उपस्थित केलाय...
