9 Dec 2024, 23:14 वाजता
मुंबईतील कुर्ल्यात भरधाव बस मार्केटमध्ये घुसली, अपघातात तिघांचा मृत्यू, 20 जण जखमी
Kurla Accident : मुंबईतील कुर्ल्यामध्ये भरधाव बेस्ट बसनं अनेक वाहनांना धडक दिली. मुंबई महानगरपालिकेच्या L वॉर्ड समोर ही दुर्घटना घडली. यात 20 जण गंभीर जखमी झाले असून, 3 जणांचा मृत्यू झालाय. मृतांचा आकडा आणखी वाढण्याची भीती व्यक्त केली जातेय. ब्रेक फेल होऊन बस क्रमांक 332 थेट मार्केटमध्ये घुसली. यात काहींचा जागीच मृत्यू झाल्याचं प्रत्यक्षदर्शींनी सांगितलं. ही बस कुर्ला स्थानकातून अंधेरीकडे जात असताना, रात्री पाऊणे दहा वाजता ही दुर्घटना घडली. जखमींवर भाभा रुग्णालयात उपचार सुरु आहेत.
बातमीचा व्हिडीओ पाहा -
9 Dec 2024, 22:09 वाजता
16 डिसेंबर ते 21 डिसेंबर दरम्यान हिवाळी अधिवेशन
Winter Session : 16 डिसेंबरपासून हिवाळी अधिवेशनाला सुरुवात होणार आहे.. 16 डिसेंबर ते 21 डिसेंबर दरम्यान नागपूर येथे हिवाळी अधिवेशन होणार असल्याची घोषणा विधानसभा अध्यक्ष राहुल नार्वेकर यांनी केलीये.
बातमीचा व्हिडीओ पाहा -
9 Dec 2024, 18:50 वाजता
पुणे शहराचा पाणीपुरवठा गुरुवारी बंद
Pune Water Cut : पुणे शहराचा पाणीपुरवठा गुरुवारी बंद असणार आहे. नवीन आणि जुने पर्वती जलशुद्धीकरण केंद्र, भामा आसखेड, वारजे, SNDT यासह इतरही ठिकाणी स्थापत्य आणि विद्युत विषयक देखभाल, दुरुस्तीची कामं केली जाणार आहेत. त्यामुळे 12 डिसेंबरला पुणे शहरातील बहुतांश भागांचा पाणी पुरवठा बंद राहणार आहे. तर शुक्रवारी सकाळी उशिरा आणि कमी दाबाने पाणी पुरवठा सुरु होईल अशी माहिती पाणीपुरवठा विभागाने दिली.
बातमीचा व्हिडीओ पाहा -
9 Dec 2024, 17:52 वाजता
आदित्य ठाकरेंचं मुख्यमंत्री देवेंद्र फडणवीसांना पत्र
Aditya Thackeray's letter to CM Fadanvis : बेळगावप्रश्नी आदित्य ठाकरेंचं मुख्यमंत्री देवेंद्र फडणवीसांना पत्र.. बेळगाव कारवार हा केंद्रशासित प्रदेश करण्याची आदित्य ठाकरेंची देवेंद्र फडणवीसांकडे मागणी.. बेळगावच्या प्रश्नावर तोडगा काढण्याचीही मागणी.. केंद्रशासित प्रदेशाचा केंद्राला प्रस्ताव पाठवण्याबाबत
आमदार आदित्य ठाकरेंचं मुख्यमंत्र्यांना पत्र.
बातमीचा व्हिडीओ पाहा -
9 Dec 2024, 16:18 वाजता
शंभू सीमा खुली करण्याबाबत याचिका फेटाळली
SC on Farmers Agitation : सुप्रीम कोर्टानं पंजाब-हरियाणा शंभू सीमेबाबतची याचिका फेटाळली.. शंभू सीमा खुली करण्याबाबत याचिका फेटाळली.. जालंधर येथील रहिवासी गौरव लुथरा यांनी ही याचिका दाखल केली होती.. शेतकरी मोर्चामुळे दिल्लीतील शंभू सीमा बंद.
बातमीचा व्हिडीओ पाहा -
9 Dec 2024, 16:02 वाजता
धाराशिवमध्ये शालेय विद्यार्थ्यांना विषबाधा
Poisoning of school students : धाराशिवमध्ये शालेय विद्यार्थ्यांना विषबाधा झालीये.. धाराशिवच्या उमरगा तालुक्यात गांधी विद्यामंदिर येथील 25 हून अधिक विद्यार्थ्यांना उलट्याचा त्रास झाल्यानं एकच खळबळ उडालीये.. रक्तवाढीच्या गोळ्या दिल्यानंतर हा त्रास जाणवू लागल्यानं विद्यार्थ्यांना शासकीय रुग्णालयात उपचारासाठी दाखल करण्यात आलंय.. सध्या विद्यार्थ्यांवर उपचार सुरू असल्याची माहिती आहे.. आरोग्य विभागानं सदर प्रकाराची दखल घेतली असून तपास सुरू आहे.
बातमीचा व्हिडीओ पाहा -
9 Dec 2024, 13:56 वाजता
लाडकी बहीण योजना सुरुच राहणार - आदिती तटकरे
Vidhansabha Aditi Tatkare : 'पुढील अधिवेशनात लाडक्या बहिणंसीठी 2100 रुपयांची घोषणा होणार असल्याची माहिती अदिती तटकरेंनी दिलीय.. सध्या लाडक्या बहिणींना 1500 रुपये मिळणार असल्याचंरी त्यांनी म्हटलंय. योजने सध्या तरी कोणातीही बदल करण्यात आला नसल्याचंही त्यांनी म्हटलंय काही तक्रारी असेल तर त्यांची चौकशी केली जाणार असल्याचंही त्यांनी म्हटलंय.. आतापर्यंत '2 कोटी 40 लाख महिलांपर्यंत लाभ पोहोचलाय'
बातमी पाहा - 'कोणाची तक्रार आली तर...' 'लाडकी बहीण' स्क्रूटीनीसंदर्भात काय म्हणाल्या अदिती तटकरे?
9 Dec 2024, 13:35 वाजता
वक्फ बोर्ड वादात राज ठाकरेंची उडी
Raj Thackeray : वक्फ बोर्डाच्या वादात आता राज ठाकरेंनी उडी घेतलीये...लातूर जिल्ह्यातील अहमदपूर, तळेगाव तालुक्यातील 75 टक्के शेतजमिनीवर वक्फ बोर्डाने दावा केलाय...याबाबत एक्सवर पोस्ट करत राज ठाकरेंनी आक्रमक भूमिका मांडलीये... गेली कित्येक वर्ष वक्फ बोर्ड मनमानी कारभार करतंय... त्याला चाप कसा बसवणार हा प्रश्न यानिमित्ताने उपस्थित होत असल्याचं राज ठाकरेंनी म्हंटलय....
9 Dec 2024, 13:13 वाजता
आदित्य ठाकरेंची राहुल नार्वेकरांवर टीका
Aaditya Thackeray On Rahul Narvekar : विधानसभा अध्यक्षपदाची बिनविरोध निवड झाल्यानंतर आदित्य ठाकरेंनी राहुल नार्वेकरांवर निशाणा साधलाय. ज्या अध्यक्षांची आज निवड झाली त्यांनी घटनाबाह्य सरकार चालवण्याकरता मदत केली. तर लवाद म्हणून त्यांनी जो संविधानाचा अपमान केलाय तो होणार नाही ही अपेक्षा आहे, अशी टीका आदित्य ठाकरेंनी केलीय.
9 Dec 2024, 13:05 वाजता
जयंत पाटलांची राहुल नार्वेकरांवर अप्रत्यक्ष टीका
Jayant Patil On Rahul Narvekar : जयंत पाटील यांनी राहुल नार्वेकरांना अप्रत्यक्ष टीका केलीय... तुम्ही अपात्रतेवर असा निर्णय दिला की त्यावर अजूनही सुप्रीम कोर्ट विचार करत असल्याचा टोला लगावलाय..
