13 Nov 2024, 10:58 वाजता
उपमुख्यमंत्री देवेंद्र फडणवीसांच्या बॅगांचीही तपासणी
Maharashtra Vidhan Sabha Election 2024 : देवेंद्र फडणवीसांच्या बॅगचीही तपासणी करण्याचा व्हिडिओ समोर आलाय. हा व्हिडिओ शेअर करत भाजपनं उद्धव ठाकरेंवर जोरदार टीका केलीये.. यवतमाळ आणि कोल्हापुरात देवेंद्र फडणवीसांच्या बॅगांची तपासणी करण्यात आली होती मात्र त्यांनी ना कोणता व्हिडिओ काढला ना कोणती आगपाखड केली असं भाजपनं म्हटलंय.
बातमीचा व्हिडीओ पाहा -
13 Nov 2024, 10:01 वाजता
नवनीत राणांकडून बंडखोर उमेदवाराचा प्रचार
Maharashtra Vidhan Sabha Election 2024 : अमरावतीत भाजप नेत्या नवनीत राणांनी भाजपच्या बंडखोर उमेदवाराचा प्रचार केलाय. भाजपचे बंडखोर रमेश बुंदिलेंसाठी नवनीत राणांनी प्रचार सभा घेतली. या प्रचार सभेतून नवनीत राणा यांनी अडसूळ पितापुत्रावर जोरदार टीका केली. बेरोजगारांना रोजगार देण्यासाठी रमेश बुंदिलेना निवडून द्या असे आवाहन नवनीत राणांनी दर्यापूरकरांना केलंय. दरम्यान अडसूळ पिता पुत्रांची सभेत खिल्ली उडवलीये. दरम्यान नवनीत राणांनी महायुतीचा उमेदवार सोडून रवी राणांच्या उमेदवाराचा प्रचार केल्याने त्यांच्यावर काय कारवाई केली जाते याकडे सर्वांचे लक्ष लागलंय.
बातमीचा व्हिडीओ पाहा -
13 Nov 2024, 09:22 वाजता
विश्वजीत कदमांची संजय राऊतांवर जोरदार टोलेबाजी
Maharashtra Vidhan Sabha Election 2024 : संजय राऊतांच्या अंगात आलेलं कधी उतरलंच नाही त्यामुळे आघाडीचे सरकार गेलं...असा टोला आमदार विश्वजीत कदमांनी लगावलाय...महायुती सरकारने दिल्ली आणि गुजरात पुढे महाराष्ट्राला झुकायला लावले, असंही विश्वजित कदमांनी म्हटलंय...सांगलीच्या पलूसमध्ये प्रचारासभेदरम्यान ते बोलत होते...
बातमीचा व्हिडीओ पाहा -
13 Nov 2024, 08:55 वाजता
राज्यात 3 दिवस पावसाचा इशारा
Maharashtra Rain Alert : उद्यापासून तीन दिवस राज्यात पावसाचा इशारा देण्यात आलाय.. तामिळनाडूच्या किनारपट्टीवर कमी दाबाचा पट्टा तयार झालाय.. त्यामुळे कोकण, दक्षिण मध्य महाराष्ट्रात हलक्या स्वरुपाचा पाऊस पडेल असा इशारा देण्यात आलाय.. पुढील तीन दिवस राज्यात ढगाळ हवामान राहील असा अंदाजही हवामान खात्यानं वर्तवलाय.. या पावसाचा फटका काढणीला आलेल्या पिकांना बसण्याची शक्यता आहे.. त्यामुळे शेतक-यांची चिंता वाढलीये..
बातमीचा व्हिडीओ पाहा -
13 Nov 2024, 08:51 वाजता
मुंबईत शिवसेना विरुद्ध शिवसेना
Maharashtra Vidhan Sabha Election 2024 : मुंबईत दोन शिवसेना एकमेकांना भिडल्या.. जोगेश्वरीत शिवसेना आणि शिवसेना UBTचे कार्यकर्ते एकमेकांना भिडल्याने तणावाची परिस्थिती निर्माण झाली होती. जोगेश्वरी पूर्व विधानसभा मतदारसंघात शिवसेनेच्या उमेदवाराकडून पैसे वाटप होत असल्याचा आरोप शिवसेना उद्धव बाळासाहेब ठाकरे पक्षाच्या कार्यकर्त्यांनी केला.. यामुळे हे कार्यकर्ते मातोश्री क्लब येथे जाब विचारण्यासाठी गेले होते.. त्यावेळी दोन्ही बाजूचे शिवसैनिक एकमेकांवर धावू गेले.. तसंच एकमेकांवर दगडफेक केली.. यामुळे काही काळ तणावाचं वातावरण निर्माण झालं होतं.. मात्र, पोलिसांनी हस्तक्षेप करत परिस्थिती नियंत्रणात आणली.
बातमीचा व्हिडीओ पाहा -
13 Nov 2024, 08:39 वाजता
राज ठाकरेंची वरळीत आज प्रचार सभा
Maharashtra Vidhan Sabha Election 2024 : मुंबईच्या वरळीत राज ठाकरेंची तोफ धडाडणार आहेत. मनसेचे उमेदवार संदीप देशपांडेंसाठी राज ठाकरे प्रचार सभा घेणार आहेत. जांबोरी मैदानावर राज ठाकरेंच्या सभेचं आयोजन करण्यात आलंय. वरळीत संदीप देशपांडेंचा सामना शिवसेना UBTचे उमेदवारआदित्य ठाकरेंशी होणार आहे. त्यामुळे आजच्या प्रचार सभेत राज ठाकरे काय बोलणार याकडं लक्ष लागलंय.
बातमीचा व्हिडीओ पाहा -
13 Nov 2024, 07:59 वाजता
पूर्ण 5 वर्षांसाठी आमचं सरकार येणार - बच्चू कडू
Maharashtra Vidhan Sabha Election 2024 : प्रहार जनशक्तीचे प्रमुख बच्चू कडू यांनी मोठा दावा केलाय. नायक चित्रपटासारखं नाही तर पूर्ण 5 वर्षांसाठी तिसऱ्या आघाडीचं सरकार येणार. असा दावा कडू यांनी केलाय. तर येणारं सरकार हे छोट्या पक्षांचं असेल. असा विश्वासही बच्चू कडू यांनी व्यक्त केला.
बातमीचा व्हिडीओ पाहा -
13 Nov 2024, 07:39 वाजता
राणेंच्या बालेकिल्ल्यात धडाडणार ठाकरेंची तोफ
Maharashtra Vidhan Sabha Election 2024 : एकमेकांचे कट्टर विरोधी आज एकमेकांसमोर उभे ठाकणार आहेत.. उद्धव ठाकरे आज राणेंच्या बालेकिल्ल्यात दाखल होणार आहेत.. कणकवली, कुडाळ आणि सावंतवाडीमध्ये उद्धव ठाकरे सभा घेणार आहेत.. कणकवली आणि कुडाळमध्ये नितेश राणे आणि निलेश राणे निवडणुकीच्या रिंगणात आहेत.. त्यामुळे राणेबद्दल उद्धव ठाकरे काय बोलणार याकडे सा-यांचं लक्ष लागलंय..
13 Nov 2024, 07:36 वाजता
उद्धव यांची बॅग तपासणाऱ्या पथकाचं कौतुक
Maharashtra Vidhan Sabha Election 2024 : उद्धव ठाकरेंची बॅग तपासणा-या भरारी पथकाला निवडणूक आयोगाकडून प्रमाणपत्र देण्यात आलंय. काल वणी इथं उद्धव ठाकरेंची बॅग तपासण्यात आली. या बॅग तपासणीवरून राजकारण तापल्याचं पाहायला मिळालं. त्यानंतर आता भरारी पथकाचं निवडणूक आयोगानं कौतुक केलंय. तपासणीदरम्यान निपक्षपातीपणा राखल्यानं आणि निवडणूक आयोगाचे मार्गदर्शक तत्वांचे पालन केल्यानं, पथकाला प्रमाणपत्र देण्यात आलंय. निवडणूक आयोगाचे सामान्य निरिक्षक सज्जन राजसेकर यांनी भरारी पथकाचं कौतुक केलंय.
