25 Sep 2024, 08:16 वाजता
मराठवाड्यातील 30 जागा महायुती जिंकणार -अमित शाह
Sambhajinagar Amit Shah : मराठवाड्यातील 30 जागा महायुती जिंकेल असा विश्वास अमित शाहांनी व्यक्त केलाय... संभाजीनगरमध्ये भाजपची बैठक झाली यावेळी अमित शाहांनी कार्यकर्त्यांना कानमंत्र दिलाय. तुम्ही कोणतीही चिंता करू नका, सर्व चिंता नेत्यांवर सोडू आणि तुम्ही कामाला लागा असं अमित शाहा म्हणाले तसेच 10 टक्के मतदान वाढवण्याच्या सूचना अमित शाहांनी कार्यकर्त्यांना दिल्यात.
बातमीचा व्हिडीओ पाहा -
25 Sep 2024, 07:51 वाजता
अभिनेत्री उर्मिला मातोंडकरच्या घटस्फोटाची चर्चा
Urmila Matondkar : अभिनेत्री उर्मिला मांतोडकर लवकरच घटस्फोट घेणार असल्याची जोरदार चर्चा होतेय. लग्नाच्या आठ वर्षानंतर उर्मिला मातोंडकरने पती मोहसिन अख्तर मीरपासून वेगळं राहण्याचा निर्णय घेतल्याचं समजतंय. अद्याप उर्मिला मातोंडकरने याबाबत अधिकृतपणे जाहीर केलं नसलं तरीही सुत्रांच्या माहितीनूसार मुंबईतल्या न्यायालयात उर्मिलाने घटस्फोटासाठी अर्ज दाखल केलाय. 4 फेब्रुवारी 2016 ला उर्मिला मातोंडकर आणि मोहसिन अख्तर मीरचं लग्न झालं. उर्मिला मातोंडकर मोहसिनपेक्षा 10 वर्षांनी मोठी आहे.
बातमी पाहा - उर्मिला मातोंडकरचा घटस्फोटासाठी अर्ज, परस्पर सहमती नाही...
25 Sep 2024, 07:47 वाजता
मुख्यमंत्री लाडकी बहीण योजनेवर भाजप आमदाराचं अजब विधान
Vijay Wadettiwar Video Tweet : 'लाडकी बहीण योजना ही महिलांच्या मतांसाठी केलेला जुगाड आहे, असं अजब विधान भाजपचे आमदार टेकचंद सावरकर यांनी केलंय.. आमदार टेकचंद सावरकरांच्या या विधानाचा व्हिडिओ विरोधी पक्षनेते विजय वडेट्टीवार यांनी ट्वीट केलाय.. तर अखेर महायुतीची भानगड पुढे आली असं म्हणत वडेट्टीवारांनी सरकारवर टीका केलीये....
बातमीचा व्हिडीओ पाहा -
25 Sep 2024, 07:38 वाजता
पुण्यात धरणक्षेत्रात 4 दिवस अतिवृष्टीचा इशारा
Pune Rain : पुण्यात पुढील चार दिवसात अतिवृष्टीचा इशारा देण्यात आलाय.. पुण्यातील चारही प्रमुख धरणं आधीच भरलीत.. त्यामुळे अतिवृष्टीमुळे या धरणांच्या पाणीपातळीत पुन्हा वाढ होण्याची शक्यता आहे.. खडकवासला धरणातून मुठा नदीपात्रात विसर्ग पुन्हा सुरू होण्याची शक्यता आहे.. त्यामुळे नदीकाठच्या नागरिकांनी सावधानता बाळगावी, असे आवाहन जिल्हा प्रशासनाकडून करण्यात आले आहे.
25 Sep 2024, 07:32 वाजता
राज्यात आजही मुसळधार पावसाचा इशारा
Rain Alert : राज्यात आजही मुसळधार पावसाचा इशारा आहे. पुणे आणि रायगड जिल्ह्याला आज हवामान विभागाने पावसाचा रेड अलर्ट जारी केलाय, तर नाशिक, मुंबई, ठाणे, पालघर, रत्नागिरी, सिंधुदुर्ग जिल्ह्याला पावसाचा ऑरेंज अलर्ट जाहीर केलाय.उर्वरित महाराष्ट्राला यलो अलर्ट दिलाय.वादळी वारे, मेघगर्जनेसह मुसळधार पावसाचा अंदाज हवामान विभागाने दिलाय... कालपासून मुंबई, पुणे, कोल्हापूर, सोलापूर आणि पश्चिम घाट परिसरात पावसाचा जोर आहे.
बातमीचा व्हिडीओ पाहा -
