Maharashtra Breaking News LIVE Updates: आशिष शेलार मुख्यमंत्री फडणवीसांच्या भेटीसाठी दाखल

8 Jan 2025, 06:31 वाजता

संभाजीनगर: रामगिरी महाराजांचं पुन्हा वादग्रस्त वक्तव्य

एक चित्रपटाच्या टीजर लाँच कार्यक्रमामध्ये बोलताना रामगिरी महाराजांनी हे विधान केलं आहे. "आपण चित्रपटच्या आगोदर राष्ट्रगीतासाठी उभे राहत आहोत परंतु हे गीत रविंद्रनाथ टागोर यांनी पंचम जॉर्जच्या स्वागतासाठी 1911 मध्ये लिहले होते. अशा गीताला आपले राष्ट्रगीत मानणे योग्य नाही यात बदल व्हायला हवा. वंदेमातरम हेच आपले राष्ट्रगीत व्हावे," असे विधान महंत रामगिरी महाराज यांनी केले. दरम्यान, यावरुन वाद निर्माण झाल्यानंतर, "मी राष्ट्रगीताचा अपमान केला नाही," असं रामगिरी महाराजांचे म्हणणं आहे. "मी फक्त सत्य सांगितलं आणि सत्य सांगायला घाबरण्याची गरज नाही," असं सांगत रामगिरी महाराज यांनी राष्ट्रगीताबाबत केलेल्या विधानचे समर्थनही केलं.