Breaking News Live Updates : महाराष्ट्रात पावसाचा जोर वाढला असून, हवामान विभागाच्या माहितीनुसार कोकणात पुढील 3 दिवस अतिमुसळधार पावसाची शक्यता वर्तवण्यात आलीय. तर, रत्नागिरीला रेड अलर्ट जारी करण्यात आला आहे. सिंधुदुर्ग, रायगड, ठाणे, पालघरला ऑरेंज अलर्ट जारी करण्यात आला आहे.
इथं पावसाचा जोर वाढत असतानाच तिथं राज्याच्या राजकीय वर्तुळामध्येही बऱ्याच घडामोडी घडताना दिसत आहेत. देश पातळीवर घडणाऱ्या प्रत्येकत लहानमोठ्या घडामोडी आणि बातम्यांचा आढावा घ्या एका क्लिकवर....
19 Jul 2024, 20:43 वाजता
पंकजा मुंडे यांच्या बाईटमधील मुद्दे -
- गेले दोन दिवस विस्तृत बैठक झाली
- भूपेंद्र यादव, अश्विनी वैष्णव यांच्यासह सर्व नेत्यांसोबतच विस्तृत चर्चा झाली
- घटकपक्षांसोबत जास्तीत जास्त जागा कशा येतील यासाठी व्ह्यूरचना पार पडली
- अधिवेशन 21 ला होत आहे
- अमित शाह या बैठकीला उपस्थित असतील
- अर्थसंकल्प सरकारकडून सादर झाला, त्यात अनेक चांगल्या योजना होत्या, त्यासंदर्भात चर्चा सुद्धा झाली
- या योजना 97 हजार बुथवर पोहोचवण्यासाठी या बैठकीत चर्चा झाली
- आम्ही आता प्रतिक्षा करत आहोत राज्याच्या कार्यकारणीचं
- 21 जुलैला ही बैठक पार पडणार आहे
19 Jul 2024, 19:41 वाजता
Breaking News Live Updates: दिलीप खेडकर यांना अटकपूर्व जामीन मंजूर
- मनोरमा खेडकर यांनी हातात पिस्तूल घेऊन शेतकऱ्यांना धमकावल्याचे प्रकरण
- दिलीप खेडकर यांना अटकपूर्व जामीन मंजूर
- दिलीप खेडकर वादग्रस्त आयएएस पूजा खेडकर यांचे वडील
- पुणे सत्र न्यायालयाकडून 25 जुलै पर्यंत अंतरिम जामीन
19 Jul 2024, 18:42 वाजता
Breaking News Live Updates: महाराष्ट्र प्रदेश भाजपच्या कोअर कमिटीची बैठक
महाराष्ट्र प्रदेश भाजपच्या कोअर कमिटी बैठकीला थोड्याच वेळात सुरुवात होत आहे. सलग दोन दिवस चालणाऱ्या या बैठकीचा आज शेवटचा दिवस आहे. प्रभारी भूपेंद्र यादव सहप्रभारी अश्विनी वैष्णव, उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे व भाजपच्या महत्त्वाच्या नेत्यांच्या उपस्थितीत ही बैठक पार पडत आहे.
कालच्या बैठकीमध्ये महाराष्ट्रातील दीडशे जागांचा आढावा, महायुतीची विद्यमान स्थिती व इतर विषयांवर चर्चा झाली होती.
आज उत्तर महाराष्ट्र व इतर भागांमधील विधानसभेच्या जागांबाबत चर्चा होणार असून या दोन दिवसात झालेल्या चर्चेबाबत केंद्रीय गृहमंत्री अमित शहा यांना 21 जुलै रोजी पुण्यात होणाऱ्या संमेलनापूर्वी माहिती दिली जाईल.
या दोन दिवसीय बैठकीनंतर काही महत्त्वाच्या निर्णयांची घोषणा देखील होण्याची शक्यता व्यक्त केली जात आहे.
19 Jul 2024, 18:21 वाजता
Breaking News Live Updates: काँग्रेसची कोअर कमिटीची महत्त्वाची बैठक
काँग्रेसची आज संध्याकाळी 8 वाजता कोअर कमिटीची महत्त्वाची बैठक
भाजपच्या पत्रकार परिषदेला प्रत्युत्तर देण्यासाठी नवीन प्रवक्त्यांची यादी जाहीर होणार
विरोधी पक्षनेते विजय वडेट्टीवार यांच्या शासकीय निवासस्थानी होणार बैठक
या बैठकीला नाना पटोले,विजय वडेट्टीवार, बाळासाहेब थोरात , पृथ्वीराज चव्हाण , सतेज पाटील ,यशोमती ठाकूर असा इतर प्रमुख नेते उपस्थित राहणार
या बैठकीत आगामी विधानसभा निवडणुकीच्या प्रचाराची रणनीतीही ठरवली जाणार
19 Jul 2024, 17:27 वाजता
Breaking News Live Updates : विधानसभा निवडणुकीसाठी भाजपने कसली कंबर
-केंद्रातील नेते महाराष्ट्रात ठाण मांडून
-विधानसभेसाठी भाजपामध्ये खलबत
-पुढच्या आठवड्यात पुन्हा बोलावली कोअर कमिटीची बैठक
-23 आणि 24 जुलै रोजी मुंबईत होणार कोअर कमिटीची बैठक
-या बैठकीत भूपेंद्र यादव यांच्यासह उपमुख्यमंत्री देवेंद्र फडणवीस आणि इतर कोअर कमिटीचे नेते राहणार उपस्थित
-21 आणि 22 जुलै रोजी पुण्यात केंद्रिय मंत्री अमित शाह यांच्या नेतृत्वाखाली बैठक होणार आहे.
19 Jul 2024, 17:01 वाजता
Breaking News Live Updates : पूजा खेडकर वाशिमच्या विश्रामगृहाबाहेर पडल्या, नागपूरकडे रवाना
19 Jul 2024, 16:41 वाजता
कल्याणमध्ये भीषण अपघात चार जणांचा जागीच मृत्यू
कल्याण नगर महामार्गावरील जुन्नर तालुक्यातील गुळुंचवाडी येथे झालेल्या भीषण अपघात चार जणांचा जागीच मृत्यू झाला असून दहा ते पंधरा जण गंभीर जखमी आहेत, भरधाव वेगाने जाणाऱ्या ट्रकने अंत्यविधी वरून माघारी परतणाऱ्या नागरिकांना अक्षरशः किड्या मुंग्यांसारखं ५०० फुटांपर्यंत चिरडत नेल्याने यीत निष्पाप नागरिकांना आपल्या जीव गमवावा लागला असून यात अनेक दुचाकी आणि फोरव्हिलर यांना हि चिरडल्याने संताप्त नागरिकांनी गेली तीन तासापासून कल्याण नगर महामार्ग रोखून धरल्याने महामार्गा वरती मोठ्या प्रमाणात वाहतूक कोंडी झालीय ,याचाच घटनास्थळावरून आढावा घेतला आमचे प्रतिनिधी हेमंत चापुडे यांनी.
19 Jul 2024, 15:01 वाजता
वर्ध्यात पावसाच्या अनुषंगाने प्रशासन अलर्ट
- जिल्हाधिकारी राहूल कर्डिले यांच्या कडून वेगवेगळया भागात भेट
- पाच तालुक्यांत ऑरेंज अलर्ट होता, पाच तालुक्यांतील शाळांना सुट्टी
- जोरदार पावसाने नगरपालिकेच्या कामाची पोलखोल
वर्ध्यात सकाळपासून जोरदार पाऊस झालाय..या पावसाने समुद्रपूर तालुक्यातील नदी नाल्याना पूर आला आहेय..जिल्हाधिकारी राहूल कर्डिले यांच्या कडून वेगवेगळया भागात भेट असून पाहणी करत परिस्थितीचा घेतला आढावा घेतला गेलाय..पाच तालुक्यांत ऑरेंज अलर्ट होता, पाच तालुक्यांतील शाळांना सुट्टी देण्यात आली होतीय..पाण्यात गाडी टाकू नये याबाबत एसटी महामंडळाच्या अधिकाऱ्यांना सूचना पावसाच्या अनुषंगाने प्रशासन अलर्ट असून परिस्थीती नियंत्रणात असून वर्धा शहराच्या शिवाजी चौक येथे रस्त्याला तलावाचे स्वरूप आले होतेय..तर आर्वी नाका या भागात नागरिकांच्या घरात देखील पाणी शिरलेय..पावसाच्या जोरदार बॅटिंगमुळे नगरपालिकेच्या कामाची पोलखोल झाल्याचे दिसून आले..
19 Jul 2024, 14:28 वाजता
मायक्रोसॉफ्टचे सर्व्हर ठप्प
जगभरात सायबर सेवा ठप्प झाल्याने मोठा फटका बसला आहे. मायक्रोसॉफ्टसह अनेक कंपन्याना याचा फटका बसला आहे. ऑस्ट्रेलिया, जर्मनी, अमेरिका, युकेसह भारतालाही याचा फटका बसला आहे. याचा अनेक महत्त्वाच्या सेवांवर परिणाम झाला आहे. विमानसेवा, बँका, स्टॉक एक्स्चेंज, पेमेंट सिस्टम, दूरसंचार आणि आपत्कालीन सेवा, आरोग्य यंत्रणा आणि ब्रॉडकास्टर सेवा ठप्प पडल्या आहेत. सायबर सुरक्षा प्लॅटफॉर्म CrowdStrike मधील समस्यांमुळे सेवा प्रभावित झाल्या आहेत. हा सायबर हल्ला असल्याची भिती व्यक्त होत आहे.
19 Jul 2024, 14:16 वाजता
पूजा खेडकरांचा पाय आणखी खोलात
- पूजा खेडकरांविरोधात यूपीएससीकडून तक्रार दाखल
- पूजा खेडकरांचा पाय आणखी खोलात
- गैरप्रकार केल्याचं प्राथमिक तपासात उघड
- बनावट कागदपत्रं, ओळखपत्रानं फसवणूक केल्याचा आरोप