Maharashtra Breaking News Today LIVE Updates : राज्यात मंत्रिमंडळ विस्तार पार पडला आहे. सोमवारपासून नागपूरात हिवाळी अधिवेशनाला सुरुवात झाली असून त्याचा आज चौथा दिवस आहे. तिथे आणि महाराष्ट्रात नेमकं काय घडतंय त्याचा आढावा एका क्लिकवर घ्या...
19 Dec 2024, 12:32 वाजता
सिन्नरमध्ये माजी उपनगराध्यक्षाच्या मुलावर गोळीबार
सिन्नरमध्ये माजी उपनगराध्यक्षाच्या मुलावर गोळीबार. हल्ल्यात सागर लोंढे थोडक्यात बजावले. तर एका हल्लेखोराला अटक आणि तिघे फरार आहेत.
19 Dec 2024, 12:31 वाजता
मुंबईतील बोट दुर्घटनेनंतर मेरिटाईम बोर्डाला जाग
मुंबईतील बोट दुर्घटनेनंतर मेरिटाईम बोर्डाला जाग. मुंबईतून सुटणाऱ्या बोटींची कसून चौकशी करणार. नियम मोडणाऱ्या बोटींचा परवाना रद्द करणार.
19 Dec 2024, 11:09 वाजता
राष्ट्रवादी शरदचंद्र पवार पक्षाच्या वतीने पुण्यात मुका आंदोलन सुरू
अमित शहा यांच्या संसदेतील वक्तव्याविरोधात पुण्यात राष्ट्रवादी शरदचंद्र पवार पक्षाच मूक आंदोलन केले जात आहे. संविधान, बाबासाहेब आंबेडकरांचा फोटो हाती घेत आंदोलनाला सुरुवात केली. पुण्यातील ससून रुग्णाला समोरील आंबेडकर पुतळा जवळ आंदोलनाला सुरुवात झाली.
का होतंय हे आंदोलन?
-परभणी येथे पवित्र संवेदनाची विटंबना व आंबेडकरी जनतेवर झालेला अत्याचाराचा निषेध
-बीड जिल्ह्यातील मस्सा जोग गावचे सरपंच संतोष देशमुख यांच्या हत्येचा निषेध
-अमित शहा यांनी संसदेत भारतरत्न डॉक्टर बाबासाहेब आंबेडकर यांच्यावर केलेल्या वक्तव्याविरोधात मूक आंदोलन
राष्ट्रवादी शरदचंद्र पवार पक्षाचे होण्याचे अध्यक्ष आणि अनेक कार्यकर्ते उपस्थित
19 Dec 2024, 11:09 वाजता
विधानपरिषदेत मुख्यमंत्री देवेंद्र फडणवीसांनी मानले विरोधकांचे आभार
विधानपरिषद सभापती म्हणून राम शिंदेंची निवड झाली आहे. तर त्यानंतर मुख्यमंत्री देवेंद्र फडणवीसांनी विरोकांचे आभार मानले आहे. कारण त्यांनी राम शिंदे हे बिनविरोधी विधानपरिषद सभापती झाले.
19 Dec 2024, 10:19 वाजता
सोलापूर कृषी उत्पन्न बाजार समितीच्या चौकात शेतकऱ्यांचा रास्ता रोको
- सोलापूर कृषी उत्पन्न बाजार समितीमध्ये कांदा उत्पादक शेतकरी आक्रमक
- माथाडी कामगारांनी गाडीतून कांदा उतरवण्यास नकार दिल्याने शेतकरी संतप्त
- संताप्त शेतकऱ्यांचा सोलापूर कृषी उत्पन्न बाजार समितीच्या मुख्य चौकात रास्ता रोको
- शेतकऱ्यांनी आपली वाहने महामार्गाच्या आडवी लावत केली आंदोलनाला सुरुवात
- बाजार समितीत सर्व लिलाव सुरू मात्र कांद्याचाच बाजार बंद असल्याने शेतकऱ्यांनी व्यक्त केला संताप
19 Dec 2024, 10:17 वाजता
उत्तर प्रदेशचे मुख्यमंत्री योगी आदित्यनाथ यांना जीवे मारण्याची धमकी
उत्तर प्रदेशचे मुख्यमंत्री योगी आदित्यनाथ यांना समाजमाध्यमावरून जीवे मारण्याची धमकी. नोएडा पोलिसांकडून धमकी देणाऱ्याला अटक. बांगलादेशस्थित आरोपीकडून हत्यारंही जप्त.
19 Dec 2024, 10:16 वाजता
डॉ बाबासाहेब आंबेडकर यांच्या अपमान प्रकरणी महाविकास आघाडी आक्रमक
डॉ बाबासाहेब आंबेडकर यांच्या अपमान प्रकरणी महाविकास आघाडी आक्रमक प्रतिक्रिया देत आहे. सकाळी दहा वाजता संविधान चौकात महाविकास आघाडी आंदोलनाला सुरुवात.
महाआघाडीतील पक्षांचे आमदार संविधान चौकातील डॉ बाबासाहेब आंबेडकर यांच्या पुतळ्याजवळ आंदोलन.
