12 Nov 2024, 07:32 वाजता
एसटीच्या 9232 बस दोन दिवस सेवेत नसणार
विधानसभा निवडणुकीच्या पार्श्वभूमीवर महाराष्ट्र राज्य रस्ते परिवहन महामंडळाच्या (एसटी) 9232 बस निवडणूक आयोगाला आणि पोलिस प्रशासनाला देण्यात येणार आहेत. या बस 19 आणि 20 नोव्हेंबर या दोन दिवसांसाठी प्रासंगिक भाडेतत्त्वावर देण्यात येणार आहेत. निवडणुकीच्या साहित्याची वाहतूक करण्यासाठी त्या महत्त्वाची भूमिका बजावणार आहेत. मात्र, या बसची मागणी दिवसातील ठरावीक कालावधीसाठी असल्याने नियमित प्रवासी वाहतुकीवर परिणाम होणार नसल्याचा दावा प्रशासनाने केला आहे.
12 Nov 2024, 07:31 वाजता
उद्धव ठाकरे यांची आज बार्शीमध्ये जाहीर सभा
उद्धव ठाकरे यांची बार्शी शहरात सायंकाळी 6 वाजता जाहीर सभा होणार आहे. उद्धव ठाकरे यांच्या उद्या धाराशिव जिल्ह्यात दोन प्रचार सभा होणार आहेत. उमरगा विधानसभेचे ठाकरेंचे उमेदवार प्रवीण स्वामी यांच्यासाठी लोहारा येथे एक वाजता तर धाराशिव विधानसभेचे उमेदवार कैलास पाटील यांच्यासाठी धाराशिव शहरात सायंकाळी सात वाजता उद्धव ठाकरे यांची सभा होणार आहे. केज मतदार संघामध्ये नितीन गडकरी यांची सभा होणार आहे सकाळी 11 ते 12 दरम्यान ही सभा सुरू होईल.
12 Nov 2024, 07:30 वाजता
मुख्यमंत्री एकनाथ शिंदे यांच्या आज 4 जाहीर सभा
दर्यापूर येथे सकाळी 11 वाजता महायुतीचे उमेदवार अभिजित अडसूळ यांच्या प्रचारार्थ मुख्यमंत्री एकनाथ शिंदे यांची सभा.
मुख्यमंत्री एकनाथ शिंदे यांची मेहकर वेळ दुपारी 1 वाजता
मुख्यमंत्री एकनाथ शिंदे देऊळगाव राजा दुपारी 3 वाजता
रिसोड येथे मुख्यमंत्री एकनाथ शिंदे यांची उद्या दुपारी 2 वाजता जाहीर सभा आहे.
12 Nov 2024, 07:29 वाजता
योगींच्या आज राज्यात तीन सभा
उत्तर प्रदेशचे मुख्यमंत्री योगी आदित्यनाथ यांच्या आज महाराष्ट्रात तीन सभा होणार आहेत. अकोल्यात दुपारी 2 वाजता सभा होणार. अमरावतीत दुपारी साडेतीन वाजता होणार सभा. तर नागपूरमध्ये सायंकाळी 6 वाजता होणार सभा.
12 Nov 2024, 07:27 वाजता
शरद पवार यांच्या आज तब्बल 6 जाहीर सभा
राष्ट्रवादीचे सर्वेसर्वा शरद पवार नाशिक जिल्हा दौऱ्यावर असून एकाच दिवशी ते सहा जाहीर सभा घेणार आहेत. सकाळी साडेदहा वाजता कळवणमध्ये त्यांची पहिली सभा पार पडणार असून त्यानंतर दिंडोरी, निफाड, येवला, कोपरगाव आणि नाशिक पूर्व मतदारसंघात त्यांची तोफ धडाडणार आहे.
12 Nov 2024, 07:26 वाजता
फडणवीसांच्या डहाणू, रिसोड आणि कल्याणमध्ये सभा
महाराष्ट्र राज्याचे उपमुख्यमंत्री देवेंद्रजी फडणवीस साहेब यांची डहाणू विधानसभेचे उमेदवार विनोद मेढा यांचे निवडणुक प्रचारानिमित्त जाहीर सभा घेणार आहेत. सकाळी 11.30 वाजता ही सभा होणार आहे. तर सायंकाळी 6 वाजता कल्याण पूर्व येथील कोळशेवाडीतील पोटे मैदान येथे फडणवीस जाहीर सभा घेतील.
12 Nov 2024, 07:21 वाजता
लोकसभेतील विरोधी पक्ष नेते राहुल गांधी यांचा आज महाराष्ट्र दौरा
दुपारी 12 वाजता चिखली येथे चिखलीचे काँग्रेस उमेदवार राहुल बोंद्रे आणि खामगावचे उमेदवार राणा दिलीप सानंदा यांच्यासाठी प्रचारसभा घेणार.
दुपारी साडेतीन वाजता गोंदिया विधानसभा मतदारसंघातील काँग्रेसचे उमेदवार गोपाल अग्रवाल यांच्या प्रचारार्थ जाहीर सभा घेणार.
12 Nov 2024, 07:20 वाजता
केंद्रीय गृह आणि सहकार मंत्री अमित शहा यांच्या महाराष्ट्रात 2 आज जाहीर सभा
जाहीर सभा (घाटकोपर पूर्व विधानसभा) सायंकाळी 05:30 वाजता स्थळ: जनरल अरुणकुमार वैद्य मैदान, मुंबई
जाहीर सभा (बोरिवली विधानसभा) संध्याकाळी 07:30 स्थळ: सप्तहिक मैदान, कांदिवली पश्चिम
12 Nov 2024, 07:19 वाजता
पंतप्रधान नरेंद्र मोदी यांच्या महाराष्ट्रात आज 3 जाहीर सभा
पंतप्रधान नरेंद्र मोदी यांची चंद्रपूर जिल्ह्यातील चिमूर येथे जाहीर सभा. सकाळी - 11 वाजता
पंतप्रधान नरेंद्र मोदी यांची उद्या पुण्यात सभा - 12 वाजता
सोलापूर शहरात पंतप्रधान नरेंद्र मोदी यांची जाहीर सभा दुपारी - 2 वाजता
