Maharashtra Breaking News LIVE: राज्यात व देशभरात आता मान्सूनची समाधानकारक वाटचाल सुरू त्यामुळं शेतकऱ्यांना मोठा दिलासा मिळाला आहे. त्याचबरोबर, आता राज्याच्या राजकारणातही विधानसभा निवडणुकांचे वेध लागले आहेत. तर, एकीकडे विधानसभेचे पावसाळी अधिवेशन सुरू आहे. त्यापार्श्वभूमीवर राजकीय घडामोडींनादेखील वेग आला आहे. राज्यातील व देशभरातील ठळक घडामोडींचा आढावा घेऊया लाइव्ह अपडेट्समधून
2 Jul 2024, 18:19 वाजता
महाराष्ट्र शासनाच्या एकात्मिक बालविकास योजने अंतर्गत गर्भवती माता आणि बालकांना वाटप आहार वाटप करण्यात येतं. पलूस इथल्या अंगणवाडी मधून वाटप करण्यात आलेल्या पोषण आहारात चक्क मृत वाळा साप आढळल्याने खळबळ उडाली आहे. डाळ,तांदूळ ,तिखट,मीठ एकत्र असणाऱ्या पॅकेट मध्ये आढळून साप आढळला आहे. गर्भवती माता आणि सहा महिने ते तीन वर्ष लहान बालकांना शासनाच्यावतीने पोषण आहार देण्यात येतो. आता साप आढळल्याने आंगणवाडी सेविकांनी आहार वाटप न करण्याचा निर्णय घेतला आहे. राज्यातील एकाच ठेकेदाराकडे पोषण आहार वाटप करण्याची जबाबदारी आहे.
2 Jul 2024, 16:08 वाजता
लोकसभेतून पंतप्रधान नरेंद्र मोदी LIVE
विरोधकांच्या गदारोळात मोदी यांचं भाषण
मोदी बोलत असताना विरोधकांची घोषणाबाजी
जनतेनं तिसऱ्यांदा सेवा करण्याची संधी दिली
2 Jul 2024, 16:07 वाजता
विधानपरिषद निवडणुकीसाठी मविआ तिसरा उमेदवार दिलेत. काँग्रेसनं प्रज्ञा राजीव सातव यांना पुन्हा संधी दिलीय. त्यांनी आज अर्ज दाखल केला.
यावेळी विरोधी पक्षनेते विजय वडेट्टीवार, काँग्रेस नेते बाळासाहेब थोरात, नसीम खान उपस्थित होते. तर शिवसेना ठाकरे गटाकडून मिलिंद नार्वेकरांनीही उमेदवारी अर्ज दाखल केला.
यावेळी त्यांच्यासोबत उद्धव ठाकरे, सचिन अहिर उपस्थित होते. तर शेकापचे जयंत पाटलांनीही उमेदवारी अर्ज दाखल केलाय. उद्धव ठाकरे, वडेट्टीवार, पृथ्वीराज चव्हाण, अनिल देशमुखांचीही यावेळीही उपस्थिती होती.
2 Jul 2024, 15:59 वाजता
उद्धव ठाकरेंनी मागितली माफी
विरोधी पक्षनेते अंबादास दानवे यांच्यामुळे महाराष्ट्रातल्या माताभगिनींचा अपमान झाला असेल, तर पक्षप्रमुख म्हणून आपण माफी मागतो अशी प्रतिक्रिया, उद्धव ठाकरे यांनी दिली.
त्याचवेळी एखादा प्रस्ताव आल्यानंतर त्यावर चर्चा करणं गरजेचं असतं. मात्र एकतर्फी निर्णय घेणं लोकशाहीला धरुन नसल्याचंही ते म्हणाले.
विधान परिषदेतील वादग्रस्त विधानावरुन दानवेंचं निलंबन करण्यात आलं, त्यावर ते बोलत होते.
2 Jul 2024, 14:57 वाजता
दानवेंच्या निर्णयावरुन ठाकरे संतप्त
राहुल गांधींनी हिंदुत्वाचा अपमान केला नाही
राहुल गांधींविरोधात आणला जाणारा कालचा ठराव चुकीचा
भाजप म्हणजे हिंदुत्व नाही, राहुल गांधींचं वक्तव्य
2 Jul 2024, 14:06 वाजता
वि. परिषदेतून दानवेंचं 5 दिवस निलंबन
शिवराळ भाषा अंबादास दानवेंना भोवली
अशा ठरावा आधी चर्चा व्हायला हवी होती - फडणवीस
अंबादास दानवेंच सभागृहातून 5 दिवस निलंबन
विधान परिषदेतून अंबादास दानवेंचं निलंबन
2 Jul 2024, 14:04 वाजता
विधानपरिषदेत अंबादास दानवेंचं 5 दिवसांचं निलंबन
2 Jul 2024, 13:28 वाजता
प्रसाद लाड यांचं ठिय्या आंदोलन
विधान भवनाच्या पाय-यांवर प्रसाद लाड यांनी ठिय्या आंदोलन केलं आहे. विधान परिषदेचे विरोधी पक्षनेते अंबादास दानवेंच्या राजीनाम्याची मागणी प्रसाद लाड यांनी केली आहे.सभागृहात शिवीगाळ केल्याप्रकरणी दानवेंचं निलंबन करा, दानवेंनी माफी मागावी अशी मागणी लाड यांनी केली आहे. तर आंदोलन करून काय होणार नाही. राजीनाम्याची मागणी सभापतींकडे जाऊन करावी. आता भाजपला कायदे आणि नियम आठवू लागले आहेत. प्रसाद लाड यांना काय करायचं ते करू द्या असा पलटवार दानवेंनी केला आहे.
2 Jul 2024, 13:13 वाजता
लाडकी बहीण योजनेवरुन विधानसभेत सवाल
लाडकी बहीण योजनेवरून पृथ्वीराज चव्हाण यांनी विधान सभेत सवाल उपस्थित केले. या योजनेला अंतिम तारीख ठेवू नका, फक्त निवडणुकीपुरती योजना नको असं पृथ्वीराज चव्हाण यांनी म्हटलं. तर निवडणुकीपुरती योजना ही चुकीचं नरेटिव्ह असून, लाडकी बहीण योजना कायम सुरूच राहणार असल्याचं स्पष्टीकरण मंत्री शंभूराज देसाईंनी दिलं आहे
2 Jul 2024, 13:03 वाजता
विधान परिषदेच्या उमेदवारीसाठी पंकजा मुंडेंनी अर्ज भरला आहे. यावेळी फडणवीस, धनंजय मुंडे, आशिष शेलार, चंद्रकांत पाटील, महाजन उपस्थित होते. पंकजा मुंडेंचा लोकसभेत पराभव झाल्यानंतर त्यांना विधान परिषदेत उमेदवारी देण्यात आली. आज त्यांनी अर्ज भरलाय आहे.
