मुंबई-गोवा महामार्गावरील एकेरी वाहतूक सुरू

रत्नागिरी : परशुराम घाटातील वाहतूक अखेर 16 तासानंतर सुरू करण्यात प्रशासनाला यश आले आहे. परशुराम घाटातील धामणदेवी गावाच्या हद्दीत अख्खा डोंगरच्या डोंगर मुंबई-गोवा महामार्गावर खाली आला होता आणि यामुळे मुंबई-गोवा महामार्ग पूर्णपणे ठप्प झाला होता. 

हा डोंगर बाजूला करण्याचा मोठा प्रश्न प्रशासनासमोर होता. यासाठी चार जेसीबी, 2 फोकलेन यांचा वापर करण्यात आला होता. रात्रभर हे काम सुरू होते आणि अखेर प्रशासनाने सकाळी 7 वाजता या महामार्गावरील वाहतूक सुरू केली.