दहावी-बारावी प्रात्यक्षिक परीक्षांच्या तारखा जाहीर, विद्यार्थ्यांसोबत शिक्षकांची ही परीक्षा

मुंबई : दहावी- बारावीच्या प्रात्यक्षिक परीक्षा घेण्याबद्दलच्या सूचना महाराष्ट्र शिक्षममंडळाने दिल्या आहेत. त्यासाठी गरजेचे असणाऱ्या सर्व उपाय योजना करुन या परीक्षा घेण्यात याव्यात अशा सूचना राज्य मंडळाने दिल्या.

बारावीच्या प्रात्यक्षिक परीक्षा 5 ते 22 एप्रिल तर दहावीच्या प्रात्यक्षिक परीक्षा या 12 ते 28 एप्रिलदरम्यान होणार आहेत. कोरोनाच्या वाढत्या प्रादुर्भावामुळे शाळा महाविद्यालयांसह विद्यार्थ्यांची प्रात्यक्षिक परीक्षा घेण्यासाठी अनेक संकटांना सामोरे जावे लारणार आहे.

दहावीच्या परीक्षेसाठी यावर्षी 1 लाख 83 हजार 611, तर बारावीच्या 1 लाख 51 हजार 847 अशा एकूण 3 लाख 35 हजार 458 विद्यार्थ्यांनी अर्ज भरले आहेत.

शाळा आणि महाविद्यालयांनी प्रात्यक्षिक परीक्षा सुरक्षित पार पाडण्यासाठी व गर्दी टाळण्यासाठी विद्यार्थी संख्येनुसार बॅचचे करण्याच्या सूचना राज्य मंडळाने शाळा आणि महाविद्यालयांना दिल्या आहेत, असे बोर्डातील अधिकाऱ्यांनी सांगितले.