पुणे सामूहिक बलात्कार प्रकरणातील आरोपींचे स्केच जाहीर, तुम्ही यांना पाहिलंत का?
Pune Bopdev Ghat Rape Case: पुण्यातील बोपदेव घाटामध्ये तरुणीवर सामूहिक बलात्कार करणाऱ्या संशयित आरोपींचे स्केच जाहीर करण्यात आले आहे.
 "पुणे सामूहिक बलात्कार प्रकरणातील आरोपींचे स्केच जाहीर, तुम्ही यांना पाहिलंत का?")
Pune Bopdev Ghat Rape Case: पुण्यातील बोपदेव घाटामध्ये तरुणीवर सामूहिक बलात्कार करण्यात आला. याप्रकरणाचे पडसाद राज्यभरात उमटत आहे. विरोधी पक्षांकडून मुख्यमंत्री आणि गृहमंत्र्यावर टीका केली जात आहे. या तिघांचे एन्काऊन्टर पोलिसांनी करावे. जे फडणवीस आणि मुख्यमंत्री शिंदेंनी बदलापूरात केलं तेच तिकडे करावे अशी टीका राऊतांनी केलीय. दरम्यान या घटनेतील आरोपींचे स्केच समोर आले आहे. यामुळे आरोपींपर्यंत पोहोचण्यास पोलिसांना मदत होणार आहे.
पुणे पोलीस आयुक्त अमितेश कुमार यांनी बोपदेव घाट अत्याचार घटनास्थळाची पाहणी केली. याप्रकरणी 3 आरोपींवर गुन्हा दाखल केला असून अत्याचार करणाऱ्या तिघांचे रेखाचित्र काढण्यात आल्याची माहिती देण्यात आली. या आरोपींच्या शोधासाठी पुणे पोलिसांनी तब्बल 10 पथक रवाना केली आहेत. अनेक सीसीटीव्ही, संशयित गाड्यांची तपासणी युद्ध पातळीवर सुरू असल्याची माहिती यावेळी देण्यात आली आहे.
काय आहे घटना?
बोपदेव घाटात मित्रासोबत फिरायला गेलेल्या तरुणीवर तीन जणांनी बलात्कार केल्याची घटना घडली.तेव्हा त्या ठिकाणी या दोघांजवळ तीन तरुण आले. सुरुवातीला त्यांनी आपण मानवधिकार संघटनेचे कार्यकर्ते असल्याची बतावणी केली. नंतर या तिघांनी या तरुणीचे अपहरण केले. या तिघांनी तरुणीवर आळीपाळीने लैंगिक अत्याचार केल्याचे तक्रारीत म्हटले आहे. याप्रकरणी कोंढवा पोलीस स्टेशनमध्ये गुन्हा दाखल करण्यात आला आहे. पोलीस या प्रकरणाचा तपास करत आहेत.
राऊतांची सरकारवर टीका
उद्धव ठाकरे गटाचे प्रवक्ते तसेच खासदार संजय राऊत यांनी याप्रकरणावरु सरकारवर टीका केली आहे. हे प्रकरण बदलापूर प्रकरणापेक्षा गंभीर असल्याने गृहमंत्री देवेंद्र फडणवीस आणि मुख्यमंत्री एकनाथ शिंदेंनी या प्रकरणातील आरोपींचं एन्काऊन्टर करावं अशी मागणी त्यांनी केली आहे. फडणवीसांनी आपल्या कमरेला जे पिस्तूल लावले आहे ते काढावे आणि फोटोमधून बाहेर यावं. फटा पोस्टर आणि निकला क्या खलनायक असं नाही चालणार. सरकारने एन्काऊन्टर करावं, पोस्टरमधून त्यांनी बाहेर यावं;" असा टोला राऊत यांनी लगावला.
Pravin Dabholkar
"प्रवीण सुरेश दाभोळकर हे 'झी 24 तास' डिजिटलमध्ये चीफ सब एडीटर पदावर कार्यरत आहेत त्यांना मीडिया क्षेत्राचा 14 वर्षांचा अनुभव आहे. वयाच्या 21 व्या वर्षी त्यांनी प्रिंट मीडियातून आपल्या कारकिर्दीची सुरुवात केली. तिथे त्यांना लेखन आणि रिपोर्टिंगचा मौल्यवान अनुभव मिळाला. तेव्हापासून त्यांनी प्रिंट, टीव्ही आणि डिजिटल मीडियासह विविध माध्यमांमध्ये काम केले आहे. संशोधनात्मक अहवाल आणि फिचर रायटिंगकडे त्यांचा कल आहे. वाचकांना माहिती नसलेल्या कथा लोकांसमोर आणण्याची त्यांना आवड आहे. हे करीत असताना सविस्तर तपशील आणि अचूकतेकडे त्यांची कटाक्षाने नजर असते. फावल्या वेळात प्रविण आपल्या आनंदासाठी फिरणे, नवीन गोष्टी आत्मसात करणे आणि सामाजिक कार्यात गुंतलेले असतात. त्यांचे लेखन अनेकदा सामाजिक न्यायाच्या समस्यांबद्दलची त्यांची उत्कटता दर्शवते. तसेच आपल्या लेखणीच्या माध्यमातून समाजात सकारात्मक प्रभाव पाडण्यासाठी ते नेहमी प्रयत्नशील असतात."
...Read More