गडचिरोलीत पोलीस-नक्षलवाद्यांमध्ये चकमक; दोघांचा खात्मा

गडचिरोली: गडचिरोलीत रविवारी पोलीस आणि नक्षलवाद्यांमध्ये जोरदार चकमक झाली. यामध्ये दोन नक्षलवाद्यांचा खात्मा करण्यात आला आहे. ग्यारापत्ती येथील नरकसा जंगलाच्या परिसरात रविवारी पहाटे ही चकमक झाली. 

या परिसरात सी-६० पथकाचे जवान गस्त घालत असताना त्यांचा नक्षलवाद्यांशी सामना झाला. यानंतर दोन्ही बाजूंनी तुफान गोळीबार झाला. यामध्ये दोन नक्षलवादी ठार झाले. तर काही नक्षलवादी जखमीही झाल्याचे वृत्त आहे. यामध्ये सी-६० पथकाच्या हाती मोठा शस्त्रसाठाही सापडल्याचे समजते. पोलीस दलाकडून अधिक कारवाई सुरू आहे.

#Maharashtra: Two naxals killed in encounter with security forces in Gadchiroli's Gyarapatti village.

— ANI (@ANI) September 15, 2019