आशियातील विद्यापीठांची गुणांकने : सावित्रीबाई फुले पुणे विद्यापीठाची बाजी

पुणे : सावित्रीबाई फुले पुणे विद्यापीठ संपूर्ण आशिया खंडात १०९ व्या स्थानावर आहे. ‘टाइम्स हायर एज्युकेशन रँकिंग’च्या आशिया खंडातील विद्यापीठांची गुणांकने जाहीर झाली आहेत. त्यात सावित्रीबाई फुले पुणे विद्यापीठाने संपूर्ण आशिया खंडात १०९ वा क्रमांक पटकावला आहे. विशेष म्हणजे, गेल्या वर्षी विद्यापीठ याच गुणांकनात १८८ व्या स्थानावर होते. तेथून ही झेप घेतली आहे. 

याच गुणांकनानुसार सावित्रीबाई फुले पुणे विद्यापीठ हे भारतातील सर्व उच्च शिक्षण संस्थांमध्ये सामाईकपणे सहाव्या स्थानावर आहे. पहिल्या क्रमांकावर इंडियन इन्स्टिट्यूट ऑफ सायन्सेस (बंगळुरू), दुसऱ्या क्रमांकावर इंडियन इन्स्टिट्यूट ऑफ टेक्नॉलॉजी (इंदूर), तिसऱ्या क्रमांकावर संयुक्तपणे इंडियन इन्स्टिट्यूट ऑफ टेक्नॉलॉजी (मुंबई), इंडियन इन्स्टिट्यूट ऑफ टेक्नॉलॉजी (रूरकी) आणि जेएसएस अकॅडमी ऑफ हायर एज्युकेशन अँड रीसर्च (मैसूर) या संस्था आहेत.