महाराष्ट्रात विकेन्ड लॉकडाउन, बाहेर पडण्यापूर्वी जाणून घ्या नवे नियम

मुंबई : कोरोनाच्या वाढत्या रुग्णांची संख्या पाहता महाराष्ट्रात आता कडक निर्बंध लागू करण्यात आले आहेत. मंत्री नवाब मलिक म्हणाले की, 'शुक्रवारी सायंकाळी आठ ते सोमवारी सकाळी सात या वेळेत महाराष्ट्रात शनिवार व रविवार लॉकडाऊन होईल. बस, गाड्या, टॅक्सी यामध्ये फक्त अत्यावश्यक सेवेतील लोकांना आणि वाहतुकीस परवानगी असेल. रविवारी रात्री आठपासून एसओपी सुरू होईल. पाच पेक्षा जास्त लोकांना एकत्र येता येणार नाही. सरकारी कार्यालये 50 टक्के क्षमतेने सुरु राहतील. खाजगी वाहनांमध्ये ५० टक्के बसण्याची क्षमता देण्यात येईल.' 

मंत्री अस्लम शेख यांनी रविवारी सांगितले की, 'रात्री आठ वाजल्यापासून ते सकाळी सात वाजेपर्यंत नाईट कर्फ्यू लावला जाईल. केवळ आवश्यक सेवांना परवानगी असेल. रेस्टॉरंटमधून केवळ कॅरी आणि पार्सल सेवांना परवानगी असेल. कर्मचाऱ्यांसाठी वर्क फ्रॉम होम देण्यासाठी सूचना केल्या आहेत.'

दिवसा रिक्षात ड्रायव्हर आणि मागे दोन लोकांना परवानगी आहे. टॅक्सी 50 टक्के लोकांसह धावेल. बसमध्ये उभे राहून प्रवास करण्याची परवानगी नाही. कर्मचार्‍यांना केवळ धार्मिक ठिकाणी परवानगी दिली जाईल. चित्रपटाच्या शूटिंगला परवानगी नाही. ते म्हणाले की, येत्या काही दिवसांत शनिवार व रविवारीही लॉकडाउन सारखी परिस्थिती निर्माण होईल. उद्यान, बीच, गेट वे ऑफ इंडिया आणि इतर ठिकाणांसह खुल्या ठिकाणी शनिवार व रविवारी बंदी असेल.

महाराष्ट्राचे माजी मुख्यमंत्री आणि भाजप नेते देवेंद्र फडणवीस म्हणाले की, लॉकडाऊन लागू करण्याच्या सरकारच्या निर्णयाचे भाजप समर्थन करते. लोकांनी निर्बंध आणि कोविड प्रोटोकॉल पाळावेत. जास्तीत जास्त लसीकरण सुनिश्चित करण्यासाठी, भाजप कार्यकर्ते लोकांना नोंदणी केंद्रात पोहोचण्यास आणि लसीकरण करण्यात मदत करतील.

दरम्यान, नागपूर जिल्ह्यात गेल्या चोवीस तासांत कोरोनाचो 4110 नवीन रुग्ण वाढले आहेत. महत्त्वाचे म्हणजे महाराष्ट्रात कोरोना विषाणूमुळे परिस्थिती गंभीर बनत चालली आहे. एका दिवसात सुमारे 50 हजार नवीन प्रकरणे आता येऊ लागल्याने आपत्कालीन परिस्थितीशी सामना करण्याची तयारी उद्धव ठाकरे सरकार करत आहे. रुग्णालयात बेड, रुग्णवाहिका आणि ऑक्सिजनचा पुरवठा केला जात आहे. 

राज्य सरकारने परीक्षा न घेता एक ते आठवीपर्यंतच्या विद्यार्थ्यांना पास करण्याचा निर्णय घेतला आहे. नववी व अकरावीच्या विद्यार्थ्यांबाबत लवकरच निर्णय घेण्यात येईल.