मुंबई महानगरपालिकेच्या रस्ते घोटाळ्यात 96 अधिकारी आणि कर्मचारी दोषी

मुंबई :   मुंबई महानगरपालिकेच्या रस्ते घोटाळ्याप्रकरणी 100 अधिकारी आणि कर्मचा-यांची चौकशी पूर्ण झाली आहे. या चौकशीमध्ये 100 पैकी 96 अधिकारी आणि कर्मचारी दोषी आढळले आहेत. 

केवळ ४ जण निर्दोष 

चौकशीदरम्यान  4 जण निर्दोष असल्याचं सिद्ध झालंय. दोषींपैकी 4 जणांना नोकरीतून बडतर्फ करण्यात आलंय. तर इतर जणांवर दंडात्मक कारवाई करण्यात आली आहे. 

कामातील त्रुटींची जबाबदारी निश्चित करण्याचे काम प्रगतीपथावर 

मुंबईतल्या 234 पैकी 34 रस्त्यांची चौकशी पूर्ण झालीये. उर्वरीत 200 रस्त्यांच्या कामातील त्रुटींची जबाबदारी निश्चित करण्याचे काम प्रगतीपथावर असून तो ही अहवाल लवकरच सादर होणार आहे. अतिरिक्त आयुक्तांच्या चौकशी अहवालानंतर कामाच्या स्वरुपानुसार जबाबदारी निश्चित करण्याचे आदेश उपायुक्त विशेष अभियांत्रिकी रमेश बांबळे आणि चौकशी अधिकारी राजेंद्र रेळेकर यांना दिले होते. त्या अहवालावर आयुक्तांनी ही शिक्षा सुनावलीये.