मुंबईच्या विलेपार्लेतील मॉलला आग

मुंबई : मुंबईतील एका मॉलला भीषण आग लागली आहे. विलेपार्लेमधील प्राईम मॉलला ही आग लागल्याची माहिती आहे. दरम्यान मॉलला ही आग नेमकी कशामुळे लागली आहे याची अद्याप माहिती मिळालेली नाही. 

आगीची माहिती मिळताच अग्निशमन दलाच्या अधिकाऱ्यांनी घटनास्थळी धाव घेतली आहे. अग्निशमन दलाच्या 13 गाड्या घटनास्थळी दाखल झाल्या आहेत. आग विझवण्याचे शर्थीचे प्रयत्न सध्या सुरु आहेत. याशिवाय 8 पाण्याचे टँकरही घटनास्थळी पाचारण करण्यात आले आहेत.

लेवल 4ची ही आग असल्याची प्राथमिक माहिती आहे. आग लागल्यामुळे आजूबाजूच्या परिसरात धुराचे लोट झाले आहेत. आगीत कोणी जखमी झालंय का याची माहिती अजून मिळालेली नाही.

Mumbai: A level 4 fire breaks out at Prime Mall in Vile Parle West. Fire fighting operations are underway. 12 fire engines are present at the spot. Details awaited. pic.twitter.com/Epd09dxhIn

— ANI (@ANI) November 19, 2021

गुरुवारी ऑटोमोबाईल कंपनीला आग

गुरुवारी मुंबईतील पवई परिसरात आग लागली होती. एका ऑटोमोबाईल कंपनीला आग लागली होती.