BJP MLA Ganpat Gaikwad Shoots Mahesh Gaikwad : उल्हासनगरमध्ये शुक्रवारी रात्री उशिरा शिवसेना नेते महेश गायकवाड यांच्यावर भाजपचे आमदार गणेश गायकवाड यांनी गोळ्या झाडल्या. हा गोळीबार हिल लाईन पोलीस ठाण्यामधील एका वरिष्ठ पोलिसाच्या केबिनमध्ये घडला. आमदार गणपत गायकवाड आणि महेश गायकवाड आणि त्यांचे समर्थक दीर्घकाळ चाललेल्या जमिनीच्या वादावर तक्रार दाखल करण्यासाठी जमले होते. त्यानंतर गणपत गायकवाड मुख्यमंत्री एकनाथ शिंदे आणि त्यांचे सुपुत्र श्रीकांत शिंदे यांच्यावर गंभीर आरोप केले आहेत.
3 Feb 2024, 18:26 वाजता
गणपत गायकवाड यांना 11 दिवसांची पोलीस कोठडी
3 Feb 2024, 15:24 वाजता
BJP MLA Ganpat Gaikwad Shoots Mahesh Gaikwad : सीसीटीव्ही फुटेजमधून सत्य समोर आलं - श्रीकांत शिंदे
"महेश गायकवाड आणि राहुल पाटील यांच्यावर जो हल्ला झाला त्यानंतर दोघांना ज्युपीटर रुग्णालयात दाखल करण्यात आलं. महेश गायकवाडवर सहा तास शस्त्रक्रिया करण्यात आली. त्यांच्या शरीरातून सहा गोळ्या काढण्यात आल्या. पहाटे महेश गायकवाड यांना अतिदक्षता विभागामध्ये हलवण्यात आलं आहे. त्यांची प्रकृती सध्या गंभीर आहे. डॉक्टरांचे त्याच्यावर उपचार सुरु आहेत. मुख्यमंत्र्यांनी दोघांची चौकशी केली. सीसीटीव्ही फुटेज समोर आलं आहे. पोलीस या प्रकरणाची चौकशी करत आहेत," असे खासदार श्रीकांत शिंदे यांनी म्हटलं.
3 Feb 2024, 15:08 वाजता
'राज्य सरकार या बाबतीत...'; Ganpat Gaikwad प्रकरणावरुन पवारांनी बोलून दाखवली चिंता
उल्हासनगरमध्ये भाजपा आमदाराने शिंदे गटाच्या पदाधिकाऱ्यावर केलेल्या गोळीबारानंतर राजकीय प्रतिक्रिया उमटत असतानाच शरद पवारांनीही या प्रकरणावर भाष्य केलं आहे. (संपूर्ण बातमी वाचण्यासाठी येथे क्लिक करा.)
3 Feb 2024, 15:05 वाजता
'कोण कुठल्या पक्षाचा...'; Ganpat Gaikwad Shooting प्रकरणात फडणवीसांची पहिली प्रतिक्रिया
उल्हासनगरमधील हिललाईन पोलीस स्टेशनमध्ये भारतीय जनता पार्टीचे कल्याण पूर्व मतदारसंघाचे आमदार गणपत गायकवाड यांनी पोलीस स्टेशनमध्ये केलेल्या गोळीबार प्रकरणावर राज्याचे गृहमंत्री देवेंद्र फडणवीस यांनी पहिली प्रतिक्रिया नोंदवली आहे. गणपत पाटील यांनी शुक्रवारी रात्री शिवसेनेच्या शिंदे गटातील माजी नगरसेवक आणि जिल्हा प्रमुख महेश गायकवाड यांच्यावर गोळीबार केल्याने एकच खळबळ उडाली असून या घटनेचे राजकीय पडसाद उमटत आहेत. जखमी अवस्थेतील महेश गायकवाड यांना ठाण्यातील ज्युपीटर हॉस्पीटलमध्ये उपचारांसाठी दाखल करण्यात आलं असून या प्रकरणावर राजकीय नेत्यांच्या प्रतिक्रिया येत आहेत. त्यातच फडणवीस यांनी या प्रकरणी प्रतिक्रिया नोंदवली आहे. (संपूर्ण बातमी वाचण्यासाठी येथे क्लिक करा.)
3 Feb 2024, 14:58 वाजता
BJP चे गणपत गायकवाड यांनी केलेल्या गोळीबाराचं CCTV आलं समोर; पाहा पोलीस ठाण्यात नेमकं काय घडलं?
Kalyan Crime CCTV: भाजपा आमदार गणपत गायकवाड यांनी शिंदे गटाचे महेश गायकवाड यांच्यावर गोळीबार केल्याने सध्या राज्यात खळबळ उडाली आहे. सत्ताधारी पक्षाचेच दोन नेते आपापसात भिडल्याने राजकारणही तापलं आहे. गणपत गायकवाड यांनी थेट पोलीस ठाण्यातच महेश गायकवाड यांच्यावर गोळीबार केला. दरम्यान या गोळीबाराचं सीसीटीव्ही आता समोर आलं आहे. या सीसीटीव्हीत पोलीस ठाण्यात नेमकं काय घडलं हे दिसत आहे. सीसीटीव्हीत दिसत आहेत त्यानुसार कोणालाही गोळीबार होईल याची कल्पनाही नव्हती. पण गोळीबार झाल्यानंतर पोलीस ठाण्यात नेमकं काय चित्र होतं हे तुम्ही त्यात पाहू शकता.
3 Feb 2024, 14:08 वाजता
BJP MLA Ganpat Gaikwad Shoots Mahesh Gaikwad : महाराष्ट्राच्यादृष्टीने अशा घटना चिंताजनक घटना - शरद पवार
सत्तेचा गैरवापर केला जातो, अशी तक्रार नेहमी होत असते. गोळीबार आणि तत्सम गोष्टी व्हायला लागल्या आणि राज्य सरकारने याबाबतीत बघ्याची भूमिका घेतली असेल तर राज्य कोणत्या दिशेने चालले आहे, हे कळते. महाराष्ट्राच्यादृष्टीने अशा घटना चिंताजनक आहेत, अशी प्रतिक्रिया राष्ट्रवादीचे सर्वेसर्वा शरद पवार यांनी दिली.
3 Feb 2024, 10:22 वाजता
BJP MLA Ganpat Gaikwad Shoots Mahesh Gaikwad : मुख्यमंत्री शिंदे यांच्यामुळे गोळीबार केला - संजय राऊत
उल्हासनगरच्या हिललाईन पोलीस ठाण्यात झालेल्या गोळीबारप्रकरणी ठाकरे गटाचे खासदार संजय राऊत यांनी प्रतिक्रिया दिली आहे. एका आमदाराने गोळीबार करुन सुद्धा मुख्यमंत्र्यांचे निवेदन नाही. गृहमंत्र्यांची भूमिका स्पष्ट नाही. अजित पवार म्हणतात गृहमंत्र्यांशी चर्चा करेन. हे फक्त चर्चा करण्याइतके सौम्य आहे का?, असा सवाल राऊतांनी केलाय. अधिक वाचा...
3 Feb 2024, 09:59 वाजता
BJP MLA Ganpat Gaikwad Shoots Mahesh Gaikwad : गोळीबार प्रकरणी देवेंद्र फडणवीसांची प्रतिक्रिया
भाजपा आमदार गणपत गायकवाड यांनी शिंदे गटाच्या पदाधिकारी महेश गायकवाड यांच्यावर गोळीबार केल्याप्रकरणी गृहमंत्री देवेंद्र फडणवीस यांनी पहिली प्रतिक्रिया दिली आहे. कल्याणच्या संपूर्ण प्रकरणाची उच्चस्तरीय चौकशी होणार, असे आदेश उपमुख्यमंत्री देवेंद्र फडणवीस यांनी दिली.
3 Feb 2024, 09:08 वाजता
"शिंदे CM असतील तर महाराष्ट्रभर गुन्हेगारच पैदा होतील"; गोळीबार करणाऱ्या BJP आमदाराचा हल्लाबोल
भारतीय जनता पार्टीचे कल्याण पूर्व मतदारसंघाचे आमदार गणपत गायकवाड यांनी शिवसेनेच्या शिंदे गटातील माजी नगरसेवक आणि जिल्हा प्रमुख महेश गायकवाड यांच्यावर पोलीस स्टेशनमध्येच अंदाधुंद गोळीबार केल्याने एकच खळबळ उडाली आहे. एकनाथ शिंदे हे महाराष्ट्रामध्ये आमच्यासारख्या सामान्य माणसाला आरोपी बनवत आहेत, असं आमदार गायकवाड यांनी 'झी 24 तास'कडे नोंदवलेल्या प्रतिक्रियेत म्हटलं आहे. गणपत गायकवाड यांना सकाळी साडेसातच्या सुमारस पोलिसांनी अटक केली आहे. (सविस्तर बातमी वाचण्यासाठी येथे क्लिक करा.)
3 Feb 2024, 09:06 वाजता
'शिंदेंनी भ्रष्टाचाराचे किती पैसे खाल्ले विचारा, माझे कोट्यवधी रुपये..'; BJP MLA कडून CM च्या राजीनाम्याची मागणी
कल्याण पूर्व मतदारसंघातील भारतीय जनता पार्टीचे आमदार गणपत गायकवाड यांनी मुख्यमंत्री एकनाथ शिंदेंवर गंभीर आरोप केले आहेत. अगदी आपले कोट्यवधी रुपये एकनाथ शिंदेंकडे असल्याच्या दाव्यापासून ते शिंदेंच्या मुख्यमंत्री पदाचा राजीनामा घेण्याची मागणी गणपत गायकवाड यांनी केली आहे. उल्हासनगरमधील हिललाईन पोलीस स्टेशनचे वरिष्ठ पोलीस निरिक्षक अनिल जगताप यांच्यासमोरच गणपत गायकवाड यांनी शिंदे गटातील माजी नगरसेवक आणि जिल्हा प्रमुख महेश गायकवाड यांच्यावर अंदाधुंद गोळीबार केल्यानंतर 'झी 24 तास'शी बोलताना हा धक्कादायक आरोप केला आहे. (सविस्तर बातमी वाचण्यासाठी येथे क्लिक करा.)
