जामिनावर सुटताच नारायण राणे यांचं पहिलं ट्विट, अवघ्या दोन शब्दात प्रतिक्रिया

मुंबई : महाराष्ट्राचे मुख्यमंत्री उद्धव ठाकरे यांच्या विरोधात वादग्रस्त वक्तव्य केल्यामुळे केंद्रीय मंत्री नारायण राणे यांना रत्नागिरी पोलिसांनी अटक केली होती. अटकेनंतर नारायण राणे यांना रायगड न्यायालयात सादर करण्यात आलं. महाड कोर्टाने नारायण राणे यांना जामीन मंजूर केला. यानंतर नारायण राणेंनी दोन शब्दात आपल्या भावना व्यक्त केल्या आहेत. 

केंद्रीय मंत्री दोन शब्दात झाले व्यक्त 

दिवसभरातील नाट्यमय घडामोडींनंतर जामिनावर बाहेर पडलेले नारायण राणे काय प्रतिक्रिया देतात, याकडे सर्वांचंच लक्ष लागलं होतं. मात्र नारायण राणे यांनी 'सत्यमेव जयते' असं दोन शब्दांचं ट्वीट करत आपल्या भावना व्यक्त केल्या आहेत. नारायण राणे (narayan rane) यांना रात्री महाड न्यायदंडाधिकाऱ्यांसमोर हजर करण्यात आले होते. पोलिसांनी राणे यांची 7 दिवसांच्या पोलीस कोठडीची (Police) मागणी केली होती. मात्र, न्यायालयाने दोन्ही बाजूंने युक्तीवाद ऐकून राणेंना जामीन मंजूर केला आहे. जामिनावर सुटका झाल्यानंतर काही तासात राणेंनी पहिलं ट्वीट केलं आहे. केवळ दोन शब्दात राणेंनी ट्वीट केलं. खरंतर जामिनावर बाहेर पडलेले नारायण राणे काय प्रतिक्रिया देतात, याकडे सर्वांचंच लक्ष लागलं होतं.

pic.twitter.com/A9PQpGkJc3

— Narayan Rane (@MeNarayanRane) August 24, 2021

एकीकडे नारायण राणे यांनी हे ट्वीट केलेलं असताना दुसरीकडे त्यांचे सुपुत्र आणि भाजप आमदार नितेश राणे यांनी मात्र पुन्हा एकदा शिवसेनेला सूचक इशारा दिला आहे. नारायण राणे यांना जामीन मिळाल्यानंतर नितेश राणे यांनी अभिनेता मनोज वाजपेयी याच्या एका सिनेमातील दृष्य शेअर करत शिवसेनेला अप्रत्यक्षपणे आव्हान दिलं आहे. नारायण राणेंची सुटका झाल्यानंतर आज सकाळपासूनच ट्विटर प्रतिक्रिया येताना दिसत आहेत. याकडेच साऱ्यांच लक्ष लागून राहिलं आहे.