Sharad Pawar : गुणरत्न सदावर्ते यांची चौकशी सुरु; वरिष्ठ अधिकारी घेताहेत तपास

मुंबई : ( Sharad Pawar ) शरद पवार यांच्या सिल्वर ओक ( Silver Oak ) बंगल्यावर शुक्रवारी संपकरी एसटी कर्मचाऱ्यांनी अचानक घेराव घातला. यातील काही आंदोलकांनी पवार यांच्या घरावर दगडफेक आणि चप्पलफेक केली होती. या घटनेला जबाबदार धरून वकील गुणरत्न सदावर्ते ( Gunratna Sadarvarte ) यांच्यासह १०६ आंदोलकांना पोलिसांनी अटक केली.

अटक करण्यात आलेल्या या आंदोलकांना काल न्यायालयात हजर करण्यात आले असता न्यायालयाने त्यांना १४ दिवसांची पोलीस कोठडी सुनावली. तर, वकील गुणरत्न सदावर्ते यांना सोमवारपर्यंत पोलीस कोठडी सुनावली आहे.

दरम्यान, या घटनेच्या अधिक चौकशीसाठी पोलिसांच्या कोठडीत असलेल्या गुणरत्न सदावर्ते यांना गावदेवी पोलीस ठाण्यात चौकशीसाठी आणले आहे. त्यांची अधिक चौकशी सुरु आहे. पोलीस उप आयुक्त आणि वरिष्ठ पोलीस अधिकारी सदावर्ते यांची चौकशी करत असल्याचे समजते.