Sharad Pawar यांच्या घरावर जाणून-बुजून आंदोलन, यामागे अज्ञात शक्ती - गृहमंत्री

मुंबई : एसटी कर्मचारी आज अचानकपणे शरद पवारांच्या घरावर धडकले. आंदोलकांनी शरद पवार यांच्या घराबाहेर संताप व्यक्त करत जोरदार घोषणाबाजी केली. अचानक आंदोलक शरद पवारांच्या घरावर धडकल्याने पोलीस यंत्रणेचं अपयश पुढे आलं. गृहमंत्री दिलीप वळसे-पाटील (Dilip Walse patil) यांनी पत्रकार परिषद घेत या आंदोलनावर प्रतिक्रिया दिली आहे. 

गृहमंत्री (Home minister) दिलीप वळसे-पाटील यांनी म्हटलं की, या आंदोलनामागे अज्ञात शक्ती आहे. चिथावणी देणाऱ्यांविरोधात कारवाई केली जाईल. राज्य अस्थिर करण्याचा प्रयत्न सुरु आहे. शरद पवारांच्या घरावर जाणून-बुजून आंदोलन करण्यात आलं. गुप्तचर यंत्रणेतील त्रुटी तपासल्या जातील.'

एसटी कर्मचाऱ्यांना पोलिसांनी ताब्यात घेतलं आहे. आंदोलनाची माहिती मिळाल्यानंतर पोलीस दाखल झाले. आंदोलकांना आता येथून पांगवण्यात आलं आहे.

एसटी कर्मचाऱ्यांच्या संपाला आज अचानक जे अनिष्ट वळण लागले ते अनुचित आहे.

राष्ट्रवादी काँग्रेस पक्षाचे राष्ट्रीय अध्यक्ष आदरणीय पवार साहेबांच्या मुंबईतल्या निवासस्थानाबाहेर झालेली निदर्शने अस्थानी व अनाठायी आहेत. कर्मचाऱ्यांच्या भावना भडकावणारे कोण हे सर्वश्रुत आहे. @PawarSpeaks

— Dilip Walse Patil (@Dwalsepatil) April 8, 2022