गुजगोष्टी मनातल्या... उघड कराव्यात का?

www.24taas.com, झी मीडिया, मुंबई
आपल्या अनेक गोष्टी मग त्या सुखाच्या असो किंवा दु:खाच्या आपल्याला त्या कुणाशी तरी शेअर करायच्या असतात. आजकाल तर फेसबूक, ट्विटर सारख्या गोष्टींमुळे लोक अगदी साध्या साध्या बाष्कळ गोष्टीही सार्वजनिक करण्यास कचरत नाहीत. पण, आपल्या जीवनातल्या काही गोष्टी अशा असतात ज्या उघड न करण्यातच शहाणपणा असतो.
अनेक गोष्टी आपल्या हाताबाहेरच्या असतात. त्यावेळी परिस्थिती नियंत्रणात आणणं आपल्यासाठी अशक्य नसतं. काही वेळा आपल्या हातून चुका घडून गेलेल्या असतात. भविष्यात त्या चुकांची आपल्याला किंमत मोजावी लागू शकते. अशा वेळी आपण कोणत्या गोष्टी इतरांना सांगाव्यात आणि कोणत्या नाहीत, याबद्दल काही गुजगोष्टी...
> आर्थिक हानी, मनातील दु:ख, पत्नीचे चारित्र्य, नीच माणसाने सांगितलेल्या गोष्टी, एखाद्याने केलेला अपमान या गोष्टी कधीही कोणालाही सांगू नका, यातच शहाणपण आहे.
> शहाणा मनुष्य सदैव आपल्या कमतरता आणि गुप्त गोष्टी गुप्तच ठेवत असतो. जे लोक अशा गोष्टी इतरांना सांगतात, ते भविष्यात कधी ना कधी अडचणीत येतात. आपण कधीही आपल्या आर्थिक स्थितीविषयी खरी माहिती इतरांना सांगू नये.
> आपल्याला कोणत्या गोष्टींमुळे दु:ख होते, मनातील दु:ख किंवा संतापही गुप्त ठेवले पाहिजे. जवळपास प्रत्येक विवाहित माणसाच्या जीवनात काही ना काही अडचणी असतातच. त्यामुळे नवरा-बायकोतील या गोष्टी चुकूनही इतरांना सांगू नये.