'नेट' साठी व्हा 'सेट'

झी 24 तास वेब टीम, मुंबई

विद्यापीठ अनुदान आयोगातर्फे राष्ट्रीय स्तरावर घेण्यात येणाऱ्या कनिष्ठ संशोधक पात्रता (सेट) व प्राध्यापक पात्रता व प्राध्यापक पात्रता (नेट) परीक्षेसाठी खाली नमूद केल्याप्रमाणे पात्रताधारक उमेदवारांकडून अर्ज मागविण्यात येतायंत.

शैक्षणिक पात्रता :

अर्जदारांनी विद्यापीठ अनुदान आयोगातर्फे निर्धारित विषयांसह विविध भाषा, ह्युमॅनिटीज, सामाजिक शास्त्र, कमीत कमी ५५ टक्के गुणांसह उत्तीर्ण केलेली असायला हवी.

वयोमर्यादा :

प्राध्यापक पात्रता परीक्षेसाठी वयोमर्यादेची अट नसली तरी कनिष्ठ संशोधक पात्रता परीक्षेसाठी उमेदवाराचे वय १-११-२०११ रोजी २८ वर्षांहून अधिक नसावे.

निवड प्रक्रिया :

अर्जदारांपैकी पात्रताधारक उमेदवारांना लेखी निवड परीक्षेसाठी बोलाविण्यात येईल. ही निवड परीक्षा देशांतर्गत निवडक परीक्षा केंदांवर २४ डिसेंबर २०११ रोजी घेण्यात येईल. त्यामध्ये महाराष्ट्रातील औरंगाबाद, नागपूर व पुणे या परीक्षा केंदांवर घेण्यात येईल. पाच तास कालावधीच्या आणि ४०० गुणांच्या लेखी निवड परीक्षेतील पहिल्या प्रश्नपत्रिकेत उमेदवारांची शिक्षण-संशोधन पात्रता, दुसऱ्या प्रश्नपत्रिकेत उमेदवारांनी निवडलेला शैक्षणिक विषय तर तिसऱ्या प्रश्नपत्रिकेत विस्तारपूर्वक उत्तरे लिहिण्याच्या प्रश्नांचा समावेश असेल.

लेखी निवड परीक्षेअंतर्गत कनिष्ठ संशोधक पात्रता परीक्षा निर्धारित गुणांकासह उत्तीर्ण करणाऱ्या उमेदवारांना विद्यापीठ अनुदान आयोगातर्फे विविध विद्यापीठ, संशोधन संस्था, इंडियन इन्स्टिट्यूट ऑफ टेक्नॉलॉजी यासारख्या ठिकाणी संशोधन प्रकल्पांवर काम करण्याची संधी मिळेल. प्राध्यापक पात्रता परीक्षा विशिष्ट गुणांकांसह उत्तीर्ण करणाऱ्यांना विविध संस्था किंवा कॉलेजांमध्ये प्राध्यापक म्हणून काम करण्याची संधी मिळू शकते.

अर्जासह भरावयाचे शुल्क :

अर्जदार सर्वसाधारण गटातील असल्यास त्यांनी आपल्या अर्जासह पाठवायचे शुल्क म्हणून ४५० रुपये (राखीव गटातील उमेदवारांनी २२५ रुपये) रोखीने स्टेट बँकेत भरणं आवश्यक आहे. अधिक माहिती व तपशिलासाठी 'एम्प्लॉयमेण्ट न्यूज'च्या १ ते ७ ऑक्टोबर २०११ च्या अंकात प्रकाशित झालेली विद्यापीठ अनुदान आयोगाची जाहिरात पहावी.

अर्ज करण्याची पद्धत व www.ugcnetonline.in या वेबसाइटला भेट द्या.

अर्ज करण्याची शेवटची तारीख २५ ऑक्टोबर २०११.