देशातील तरुणांचा मोदींवरील विश्वास उडतोय - चेतन भगत

नवी दिल्ली : देशात सध्या कन्हैया कुमारची चर्चा आहे. त्यावर आता तरुण लेखक चेतन भगतही बोलले आहेत. 'कन्हैया कुमार प्रकरणाने ज्याप्रकारे लोकांचे लक्ष वेधले आहे ते पाहता जे लोक कालपर्यंत मोदींचे कौतुक करत होते तेच आज त्यांच्यावर टीका करत आहेत,' असे चेतन भगत म्हणाले आहेत.

You know PM is losing connect with the youth when a young student's speech from JNU is being talked about more than any Mann Ki Baat.

— Chetan Bhagat (@chetan_bhagat) March 4, 2016

ट्विटरवर पोस्ट करताना चेतन भगत म्हणाले की, देशातील तरुणांसोबत पंतप्रधान मोदींची नाळ तुटली आहे. हेच त्यांच्या लोकप्रियतेत कमी येण्याचे कारण आहे. मोदी आणि त्यांच्या सरकारने तरुणांना काही आश्वासने दिली होती. यातील अनेक आश्वासने ते पूर्ण करू शकले नाहीत. यामुळेच लोकांचा त्यांच्यावरील विश्वास उडत चालला आहे.

BJP promised reforms for huge job growth but is resorting to UPA style populism. What about the youth they charged up before elections?

— Chetan Bhagat (@chetan_bhagat) March 4, 2016

पंतप्रधानांचा देशातील तरुणांशी संपर्कच तुटल्याने जेएनयूमधील एका तरुणाच्या भाषणाची चर्चा पंतप्रधानांच्या 'मन की बात' पेक्षा जास्त होत आहे. हार्दिक पटेल असो की कन्हैया कुमार, देशातील तरुणांना त्यांच्याशी बोलणारा नेता हवा आहे, त्यांची मतं ऐकणारा नेता हवा आहे. म्हणूनच देशातील तरुण या व्यक्तींकडे आकर्षित होत आहेत, असेही चेतन भगत म्हणालेत.

Hardik Patel, Kanhaiya Kumar - youth desperate for new leader who can relate to them, talks to them and takes questions. Why govt doesn't?

— Chetan Bhagat (@chetan_bhagat) March 4, 2016