पाहा : 'बाजी' चित्रपटाचा नवा ट्रेलर..

मुंबई : अमृता खानविलकर आणि श्रेयस तळपदेची प्रमुख भूमिका असलेल्या बाजी या चित्रपटाचा ट्रेलर प्रदर्शित करण्यात आला आहे. मराठीतला पहिला सुपरहिरो या चित्रपटाच्या निमित्ताने प्रेक्षकांच्या भेटीस येणार आहे.
'सनई चौघडे' (२००८) मधील चित्रपटानंतर तब्बल सहा वर्षांनी श्रेयस 'बाजी' चित्रपटाद्वारे मराठीत पुनरागमन करतोय. श्रेयसची निर्मिती असलेल्या पोश्टर बॉइज चित्रपटात तो पाहुण्या कलाकाराच्या भूमिकेत दिसला होता. त्यानंतर तो बाजीमध्ये आता मुख्य भूमिकेत दिसेल.

चित्रपटाच्या ट्रेलरमध्ये श्रेयस हा सुपरहिरो आणि सामान्य पुरुष अशा दोन भूमिकांमध्ये दिसतो. सामान्यांचा वाली म्हणून तो चित्रपटात दिसेल. तर  जितेंद्र जोशी पुन्हा एकदा खलनायकाच्या भूमिकेत दिसणार आहे. या चित्रपटातील भूमिकेसाठी जितेंद्र जोशीने पूर्ण टक्कल केले आहे. भूमिकेसाठी शरीरयष्टी दिसण्यासाठी व्यायाम करण्याची मेहनतही केली आहे. दार मोशन पिक्चर्सची निर्मिती असलेला 'बाजी' हा चित्रपट नव्या वर्षात फेब्रुवारीत प्रदर्शित होणार आहे.

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.