'मैं तो आमीर का फॅन...'

मुंबई : 'दिल चाहता हैं...' म्हणत अवघ्या बॉलिवूडवर ठसा उमटवलेल्या आमीर खानचे देशभरात लाखो चाहते आहेत. मात्र, या परफेक्शनिस्टचा असाही एक चाहता आहे, जो हॉलिवूडचा सुपरस्टार आहे.

'मी आमिर खानचा मोठा फॅन आहे... मी फार बॉलिवूड सिनेमे बघत नाही. पण, थ्री इडियट हा सिनेमा पाहिला आणि एका रात्रीतच मी आमिरचा चाहता झालो...' असा खुलासा केलाय इंटरनॅशनल अॅक्शन हिरो आणि सुपरस्टार जॅकी चॅननं...

'ड्रॅगन ब्लेड' या त्याच्या सिनेमाच्या प्रमोशन दरम्यान त्यानं आपण आमीरचा जबरदस्त चाहचा असल्याची कबुली दिलीय.

'थ्री इडियटस्' या आमिरच्या सिनेमानं आंतरराष्ट्रीय पातळीवरही चांगलाच बिझनेस केला होता. हाँगकाँगमध्येही या सिनेमानं मोठं यश मिळवलं आणि याच सिनेमामुळे जॅकीही आता म्हणतोय... 'मैं तो आमिर का फॅन...' 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.