रायगडावर शिवराज्याभिषेक सोहळा साजरा

अलिबाग, पुणे : रागयगडावर आज शिवराज्याभिषेक सोहळा मोठ्या उत्साहात साजरा करण्यात आला. तसेच पुण्यात ३४२ वा शिवराज्याभिषेक सोहळा वेगळ्या पद्धतीनं मोठ्या उत्साहात साजरा करण्यात आला. 

शनिवार वाड्यासमोर हा सोहळा पार पडला. शिवराज्याभिषेक दिनानिमित्त शनिवार वाड्यासमोर पन्नास फुट गुढी उभारण्यात आली. त्याचबरोबर शिवराज्याभिषेक दिन असल्यानं यावेळी ३४२ ढोल - ताशांच्या गजरात शिवाजी महाराजांना मानवंदना देण्यात आली. 

३४२ ढोल - ताशांच्या गजरामुळं परिसर दणाणून गेला होता. साहीत्य संमेलनाचे अध्यक्ष सदानंद मोरे या सोहळ्याला उपस्थित होते. शनिवार वाड्यासमोर उभारण्यात आलेली पन्नास फुट गुढी अनेकांचे लक्ष वेधून घेत होती. शिवप्रेमींची या अनोख्या सोहळ्याला चांगली दाद दिली . 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.