पृथ्वीराज चव्हाण अडकले लिफ्टमध्ये

मुंबई : राज्याचे माजी मुख्यमंत्री पृथ्वीराज चव्हाण चक्क लिफ्टमध्ये अडकले. चव्हाण काल संध्याकाळी चर्चगेट येथील त्यांच्या कार्यालयात गेले होते. त्यावेळी ही घटना घडली. अग्निशमन दलाने लिफ्टमधून त्यांची सुटका केली.

अर्ध्या तासाहून अधिक काळ लिफ्टमध्येच अडकून पडलेल्या चव्हाण यांना अग्निशमन दलाच्या जवानांनीलिफ्टचा दरवाजा तोडून सुखरूप बाहेर काढले. रात्री आठच्या सुमारास ही घटना घडली. 

पृथ्वीराज चव्हाण यांचे चर्चगेट येथील रवींद्र मॅन्शन इमारतीमध्ये पहिल्या मजल्यावर कार्यालय आहे. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.