धवल कुलकर्णीपाठोपाठ रोहित शर्मानं पुन्हा केला साखरपुडा!

नवी दिल्ली: टीम इंडियाचा स्टार क्रिकेटपटू रोहित शर्मानं आपली मैत्रिण रितिका सजदेह सोबत दुसऱ्यांदा साखरपुडा केला. सर्वांच्या साक्षीनं हा कार्यक्रम पार पडला. यावेळी रोहितचे काही खास पाहुणे उपस्थित होते.

यापूर्वी आयपीएल दरम्यान ३ मे रोजी रोहितनं रितिकाच्या बोटात अंगठी घालून तिला फिल्मी स्टाइलमध्ये प्रपोज केलं होतं. त्यानंतर ट्विटरवरून फोटो शेअर करत रोहितनं ही माहिती सर्वांना दिली होती. 

Love of my life ❤️ @ImRo45 in this lifetime and all the rest pic.twitter.com/HukodQywN6

— Ritika Sajdeh (@ritssajdeh) June 2, 2015

आज एकदा पुन्हा रोहितनं साखरपुड्याचा एक फोटो शेअर केलाय. कार्यक्रमाला कुटुंबातील लोक आणि काही खास मित्र उपस्थित होते. ज्यात अभिनेता-दिग्दर्शक सोहेल खान आणि त्याची पत्नी सीमा खान पण उपस्थित होते.

मैदानात बॉलर्सची धुलाई करणारा रोहित या फोटोत मरून कुर्ता घातलेला तर रितिका गुलाबी-पांढऱ्या घागऱ्यात दिसली. 

दोघं ६ वर्षांपासून एकमेकांना ओळखतात. रितिका स्पोर्ट्स मॅनेजमेंट कंपनीमध्ये काम करते. आयपीएल फायनलसाठी रितिका सुद्धा कोलकाताच्या ईडन गार्डन्सवर उपस्थित होती. 

* इतर ताज्या बातम्या सदैव पाहण्यासाठी झी २४ तासला फेसबुकवर जॉइंन करा.