आयसीसी अंडर १९ - सरफराजचा तुफानी खेळी, भारताचा पाकिस्तानवर विजय

ढाका :  भारताने आयसीसी अंडर १९ वर्ल्ड कपच्या दुसऱ्या सराव सामन्यात पाकिस्तानचा पाच विकेटने पराभव केला आहे. 

डावखुरा गोलंदाज खलील अहमद याने ८ षटकात ३० धावा देऊन ५ विकेट घेतल्या आणि पाकिस्तानला १९७ धावांवर गुंडाळले.  नंतर तुफानी खेळी करत सरफराज खान याने ६८ चेंडूत ८१ धावा तडकावल्या. त्यात १२ चौकार आणि १ षटकाराचा समावेश आहे.

भारताने १९८ धावांचे टार्गेट ३३.४ षटकात पूर्ण केले.  सामना उशीरा सुरू झाल्याने सामना ४५ षटकांचा करण्यात आला होता. 

संक्षिप्त धावफलक -

पाकिस्तान अंडर १९ - सर्वबाद १९७, ४४.१  षटके (मोहम्मद उमर ३६, हसन मोसीन ३३, सलमान फय्याज २९, गुहार हाफीज २५,  भारत - खलील अहमद ५/३०) 

भारत अंडर १९ - १९८/५. ३३. ४ षटके, (सरफराज खान ८१, वॉशिंग्टन सुंदर २८ नाबाद, महिपाल लोमरोर २२ नाबाद, हसन मोसिन २/२३, शाहदाब खान २/५६)