मुंबई-गोवा महामार्गावरील अपघातात ४ ठार

www.24taas.com, झी मीडिया,अलिबाग
मुंबई-गोवा महामार्गावर अपघातांची मालिका सुरुच आहे. लक्झरी बस आणि ट्रकची समोरसमोर धडक होऊन ४ प्रवासी ठार तर १३ जण जखमी झालेत.
रायगड जिल्ह्यातील टोळ फाट्याजवळ रात्री हा अपघात झाला. जखमींना महाडच्या ग्रामीण रुग्णालयात दाखल करण्यात आलंय. या अपघातामुळे मुंबई-गोवा महामार्गावरची वाहतूक विस्कळीत झाली आहे.
मृतांमध्ये ट्रकचालक आणि बसमधील प्रवाशांचाही समावेश आहे. लक्झरी बस मुंबईहून कोकणाकडे निघाली होती.