विश्वास पाटीलांचे चोरीचे हस्तलिखित सापडलं

www.24taas.com, झी मीडिया, ठाणे
लेखक विश्वास पाटील यांच्या नव्या कादंबरीचे चोरीला गेलेलं हस्तलिखित अखेर सापडलंय. ठाण्यात मँजेस्टिक बुक स्टॉलसमोर पार्क केलेल्या गाडीतुन पाटलांची करड्या रंगाची ब्रिफकेस चोरीला गेली होती, यात `पाषाण झुंज` या आगामी पुस्तकाची हस्तलिखित होते.
`पाषाण झुंज` या पुस्तकाच्या ६०० पानांच्या हस्तलिखीताच्या तीन फाईल्स, ५०० पानांच्या हस्तलिखीत टिपणांच्या दोन वह्या आणि १५,००० हजार रूपये असा रोख असा ऐवज होता. लिखाण चोरील गेल्याचं कळताच त्यांनी नौपाडा पोलीसस्टेशनमध्ये याबाबत तक्रार दाखल केली होती. त्याची दखल घेत नौपाडा पोलिसांनी हस्तलिखीत शोधण्यासाठी तीन टीम तयार केल्या. त्यापैकी एका टीमला ठाणे रेल्वे स्थानकावर हस्तलिखीताची बॅग आढळून आली.