स्पामध्ये रात्री गर्लफ्रेंडसमोर मर्डर, UPI पेमेंटची एक चूक अन् मांडीवर गोंदवलेली 22 नावं; वरळीतील हत्यांकाडाचा थरार
Mumbai Spa Murder: मुंबईतील वरळीतील एका हत्या प्रकरणाने सध्या खळबळ माजली आहे. अगदी चित्रपटाच्या कथेलाही लाजवेल असा घटनाक्रम घडला आहे. याचं कारण पीडित गुरु वाघमारेने गजनी चित्रटाप्रमाणे अंगावर धोका असणाऱ्यांची नावं गोंदवली होती.
Mumbai Spa Murder: मुंबईतील वरळीतील एका हत्या प्रकरणाने सध्या खळबळ माजली आहे. अगदी चित्रपटाच्या कथेलाही लाजवेल असा घटनाक्रम घडला आहे. याचं कारण पीडित गुरु वाघमारेने गजनी चित्रटाप्रमाणे अंगावर धोका असणाऱ्यांची नावं गोंदवली होती.
1/8
![](https://marathi.cdn.zeenews.com/marathi/sites/default/files/2024/07/26/771333-6.jpg)
Mumbai Spa Murder: मुंबईतील वरळी येथे आरटीआय कार्यकर्ता गुरु वाघमारेच्या (Guru Waghmare) हत्येमुळे खळबळ माजली आहे. पोलिसांनी याप्रकरणी 5 जणांना अटक केली आहे. अगदी चित्रपटाच्या कथेलाही लाजवेल असा घटनाक्रम घडला आहे. याचं कारण पीडित गुरु वाघमारेने गजनी चित्रटाप्रमाणे अंगावर धोका असणाऱ्यांची नावं गोंदवली होती.
2/8
![](https://marathi.cdn.zeenews.com/marathi/sites/default/files/2024/07/26/771332-5.jpg)
3/8
![](https://marathi.cdn.zeenews.com/marathi/sites/default/files/2024/07/26/771330-10.jpg)
पोलीस अधिकाऱ्याने दिलेल्या माहितीनुसार, गुरु वाघमारे सतत खंडणीच्या धमक्या देत असल्याने संतोष शेरेकर याने त्याच्या हत्येची सुपारी दिली होती. वाघमारेची हत्या करण्यासाठी त्याने मोहम्मद फिरोज अन्सारी याला 6 लाख दिले होते. अन्सारीदेखील स्पा चालवत असल्याने त्याची आणि संतोष याची ओळख होती. पण नालासोपाऱ्यात असणारा त्याचा स्पा गतवर्षी छापा पडल्यानंतर बंद झाला होता. गुरु वाघमारे यांनी केलेल्या तक्रारीनंतर हा छापा टाकण्यात आल्याचे अधिकाऱ्याने सांगितले.
4/8
![](https://marathi.cdn.zeenews.com/marathi/sites/default/files/2024/07/26/771329-9.jpg)
अन्सारीने गुरु वाघमारेला रोखण्यासाठी संतोष शेरेकरकडे मदत मागितली होती. जेणेकरुन तो तक्रारी दाखल करुन, स्पा मालकांकडून पैसे वसुली करणार नाही. पोलीस अधिकाऱ्यांनी दिलेल्या माहितीनुसार, संतोष शेरेकरने अन्सारीला गुरु वाघमारेला संपवण्यास सांगितलं होतं. यानंतर अन्सारीने दिल्लीचा रहिवासी असणाऱ्या साकीब अन्सारीशी संपर्क साधला. यानंतर तीन महिन्यांपूर्वी त्यांनी हत्येचा कट आखला असं पोलिसांनी सांगितलं. गुरु वाघमारेवर नजर ठेवल्यानंतर आणि वेळापत्रक पाहिल्यानंतर शेरेकरच्या स्पामध्ये हत्या करण्याची योजना आखण्यात आली.
5/8
![](https://marathi.cdn.zeenews.com/marathi/sites/default/files/2024/07/26/771328-8.jpg)
वाघमारेने मंगळवारी संध्याकाळी सायनमधील बारमध्ये आपल्या 21 वर्षीय प्रेयसीसबोत वाढदिवस साजरा केला होता. यावेळी सीसीटीव्ही फुटेजमध्ये रेनकोट घातलेले दोन हल्लेखोर त्याचा पाठलाग करत असल्याचं दिसत होतं. त्यानंतर रात्री हे दोघे वाघमारेच्या पाठोपाठ स्कूटरवरून शेरेकरच्या स्पामध्ये गेले होते. पोलिसांना हल्लेखोरांपैकी एकाने यूपीआयच्या माध्यमातून पैसे बारजवळील दुकानातून दोन गुटख्याची पाकिटे खरेदी केली असल्याचं आढळललं. UPI रेकॉर्डवरून त्याचे नाव मोहम्मद फिरोज अन्सारी असल्याचं दिसून आलं.
6/8
![](https://marathi.cdn.zeenews.com/marathi/sites/default/files/2024/07/26/771327-7.jpg)
तपासादरम्यान अन्सारीच्या युपीआय आयडीशी संलग्न असलेल्या फोन नंबरवरुन शेखरशी अनेकदा संवाद झाल्याचं उघड झालं. यानंतर दोघांमधील संबंधही समोर आले. बुधवारी पहाटे दीड वाजण्याच्या सुमारास फिरोज आणि साकिब अन्सारी स्पामध्ये पोहोचले होते. त्यांनी वाघमारेच्या मैत्रिणीला दुसऱ्या खोलीत नेले आणि त्यानंतर ब्लेडने खून केला.
7/8
![](https://marathi.cdn.zeenews.com/marathi/sites/default/files/2024/07/26/771325-2.jpg)
एका ब्लेडचा वापर त्याचा गळा कापण्यासाठी आणि दुसऱ्याचा त्याला भोसकण्यासाठी करण्यात आला. वाघमारेच्या प्रेयसीने सकाळी 9.30 वाजता हत्येची माहिती मिळाल्याचा दावा केला आहे. तसंच आपण शेरेकरला कळवलं असता त्याने पोलिसांना माहिती देण्यास दोन तासांचा अवधी लागला, असंही सांगितल्याचं पोलिसांनी म्हटलं आहे. पोलिसांनी संतोष शेरेकरला आधीच अटक केली आहे.
8/8
![](https://marathi.cdn.zeenews.com/marathi/sites/default/files/2024/07/26/771324-3.jpg)