Mercury Vakri: रक्षाबंधननंतर बुध चालणार वक्री चाल; 'या' राशींच्या व्यक्तींना मिळू शकणार पैसे

Mercury Vakri In Cancer: वैदिक ज्योतिषशास्त्रानुसार,  ग्रह विशिष्ट कालावधीनंतर त्यांच्या राशीमध्ये बदल करतात. यावेळी काही ग्रह वक्री देखील होतात. ज्याचा थेट परिणाम मानवी जीवनावर होताना दिसतो. येत्या 19 ऑगस्ट रोजी रक्षाबंधन आहे आणि 22 ऑगस्ट रोजी व्यवसाय दाता बुध ग्रह कर्क राशीत वक्री होणार आहे. 

वैदिक ज्योतिष्य शास्त्रानुसार, बुधाची वक्री चाल सर्व राशीच्या लोकांवर परिणाम करणार आहे. मात्र यावेळी 3 राशी आहेत ज्यांचे नशीब यावेळी चमकू शकणार आहे. यावेळी करिअर आणि व्यवसायात प्रगती होऊ शकणार आहे. जाणून घेऊया बुधाच्या वक्री चालीमुळे कोणत्या राशींचं नशीब चमकणार आहे. 

मिथुन रास (Mithun Zodiac)

बुधाची प्रतिगामी गती तुमच्यासाठी फायदेशीर ठरू शकते. या काळात तुम्हाला अचानक आर्थिक लाभ होण्याची शक्यता आहे. तुम्ही तुमच्या बोलण्याने लोकांवर प्रभाव टाकण्यात यशस्वी व्हाल. तुमच्या शब्दांच्या जोरावर तुम्ही खूप मोठी गोष्ट साध्य करू शकता. बुध ग्रहाच्या प्रभावामुळे तुम्हाला काम आणि व्यवसायात चांगले यश मिळू शकणार आहे.

कन्या रास (Kanya Zodiac)

कन्या राशीच्या लोकांसाठी बुधाची उल्टी हालचाल शुभ ठरू शकते. बुध ग्रह हा तुमच्या राशीचा स्वामी आहे. तुमचं उत्पन्न वाढेल. हा कालावधी तुमच्यासाठी आर्थिकदृष्ट्या फायदेशीर सिद्ध होईल. उत्पन्नाचे नवीन स्रोत निर्माण होऊ शकतात. तसेच या काळात तुम्हाला तुमच्या मुलाशी संबंधित चांगली बातमी मिळू शकते. 

तूळ रास (Tula Zodiac)

बुधाची उलटी हालचाल तुमच्यासाठी फायदेशीर ठरू शकते. या काळात नोकरी आणि व्यवसायात प्रगती होऊ शकते. तुमची निर्णय घेण्याची क्षमता देखील चांगली असेल. ज्याचे फायदे तुम्हाला तुमच्या करिअरमध्ये पाहायला मिळतील. व्यावसायिकांना चांगला नफा होऊ शकतो. तसेच व्यवसायाचा विस्तार होऊ शकतो. बेरोजगारांना नोकऱ्या मिळू शकतात. 

( Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या. )