Astrology: राहु दोष असू शकतात तुमच्या समस्यांचं कारण, हे सोपे उपाय करून पाहा

मुंबई : आपल्या जीवनात नवग्रहांचं खूप महत्त्व आहे. ज्योतिषांच्या मते, ग्रहांची हालचाल आणि स्थिती हा आपल्या जीवनात घडणाऱ्या क्रियांचा मुख्य घटक असतो. कुंडलीतील ग्रहांची प्रतिकूल स्थिती ग्रह दोषांना जन्म देते. ग्रह दोषांमुळे व्यक्तीच्या जीवनात अनेक समस्या निर्माण होतात. सध्या सुरू असलेली कामंही कोणत्या ना कोणत्या कारणाने ठप्प होतात. अशा स्थितीत ग्रह दोष दूर करणं अत्यंत आवश्यक आहे. ग्रहांचे दोष दूर करण्यासाठी शास्त्रात काही खास उपाय सांगण्यात आले आहेत ते जाणून घेऊया.

राहू-केतूचा छाया ग्रह

ज्योतिषांच्या मते, राहू-केतूला कुंडलीत छाया ग्रह म्हणतात. राहु दोषामुळे व्यक्तीच्या जीवनात अनेक अडथळे येतात. कष्ट करूनही यश मिळत नाही. घरातील सदस्यांमध्ये तणावाचं वातावरण राहील. आर्थिक अडचणींचा सामना करावा लागेल. राहु दोष शास्त्राच्या उपायांनी दूर करता येऊ शकतो.

राहू दोष दूर करण्याचे उपाय

• राहू दोष दूर करण्यासाठी शास्त्रात अनेक उपाय सांगण्यात आले आहेत. रोज सकाळी स्नानानंतर राहु मंत्राचा 108 वेळा जप केल्याने राहू दोष दूर होतो. राहूचा मंत्र आहे - ओम रा रहावे नमः
• ज्या व्यक्तीच्या कुंडलीत राहू दोष आहे त्यांनी भगवान शिव आणि नारायण यांची पूजा करावी. यासाठी पाण्यात काळे तीळ टाकून ते शनिवार आणि सोमवारी शिवलिंगावर अर्पण करावे. यामुळे राहू आणि केतू शांत होतो. 
• रोज अंघोळीच्या पाण्यात काळे तीळ मिसळावे. त्यानंतर त्या पाण्याने स्नान करावे. यामुळे कुंडलीतून राहू दोष दूर होतो.
• बुधवारी काळ्या कुत्र्याला गोड भाकरी खाऊ घातल्यास राहू दोष संपतो. शनिवारी सकाळी पिंपळाच्या झाडाला जल अर्पण करा आणि संध्याकाळी पिंपळाच्या झाडाची पूजा करा. राहू दोष दूर करण्यासाठी गोमेद रत्न धारण करणं शुभ असतं.
• राहु ग्रहाला शांत करण्यासाठी आंघोळीच्या पाण्यात कस्तुरी, गजदंत, लोबान आणि दुर्वा मिसळून स्नान करावं. या उपायाने राहूचा दोष कमी होऊ शकतो. दुसरीकडे केतूला शांत करण्यासाठी आंघोळीच्या पाण्यात लाल चंदन आणि कुशा मिसळून स्नान केल्याने केतूचा अशुभ प्रभाव कमी होतो.

(Disclaimer: येथे दिलेली माहिती सामान्य गृहीतके आणि माहितीवर आधारित आहे. ZEE 24 TAAS त्याची पुष्टी करत नाही.)