Mangal Gochar : मंगळ करणार कन्या राशीमध्ये प्रवेश; 'या' राशींची आर्थिक चणचण होणार दूर

Mangal Gochar : वैदिक ज्योतिष्य शास्त्रानुसार, प्रत्येक ग्रह एका ठराविक काळानंतर त्यांच्या राशीमध्ये बदल करतात. यावेळी ग्रहांचा सेनापती आणि धैर्य आणि उर्जेचा कारक ग्रह मंगळ गोचर करणार आहे. यावेळी 18 ऑगस्ट 2023 रोजी दुपारी 3.14 वाजता मंगळ कन्या राशीत प्रवेश करणार आहे. 3 ऑक्टोबरपर्यंत मंगळ ग्रह या राशीत राहणार आहे. 

शौर्य, क्रोध, भूमी यांचा कारक मंगळ ग्रह मानला जातो. दरम्यान मंगळाचं हे गोचर काही राशींच्या व्यक्तींसाठी शुभ परिणाम देणारं ठरणार आहे. जाणून घेऊया मंगळाच्या गोचरमुळे कोणत्या राशीच्या व्यक्तींना फायदा होणार आहे. 

मेष रास

मेष राशीच्या लोकांसाठी मंगळ हा स्वर्गीय आणि आठव्या भावाचा स्वामी आहे. कन्या राशीत मंगळ तुमच्या सहाव्या घरात प्रवेश करेल आणि तुम्हाला त्याचे शुभ परिणाम मिळू शकतात. या काळात नोकरीत अचानक प्रगती आणि शत्रूंवर विजय मिळण्याची शक्यता आहे. तुम्ही तुमच्या शत्रूंशी जोरदारपणे लढा देऊ शकाल. कामाच्या ठिकाणी तुम्हाला मोठी जबाबदारी मिळण्याची शक्यता आहे. कोर्ट किंवा जमिनीशी संबंधित प्रकरणांमध्ये सकारात्मक परिणाम मिळतील.

कर्क राशी

मंगळांचं गोचर कर्क राशीच्या लोकांसाठी फायदेशीर ठरणार आहे. कन्या राशीतील मंगळाचं गोचर शुभ परिणाम देणार आहे. या काळात तुमचा आत्मविश्वास वाढणार आहे. करियर किंवा आर्थिक परिस्थितीसाठी चांगले असू शकते. या काळात प्रगतीच्या नवीन संधी मिळणार आहे. कार्यक्षेत्रात तुम्ही खूप प्रगती कराल. या काळात तुम्हाला भावंडांचे पूर्ण सहकार्य मिळेल.

वृश्चिक रास

या राशीच्या लोकांसाठी मंगळ हा स्वर्गीय आणि सहाव्या घराचा स्वामी आहे. मंगळाच्या गोचरमुळे जमीन-मालमत्तेच्या बाबतीत तुमच्या मनोकामना पूर्ण होतील. ज्या गोष्टींसाठी तुम्ही गेल्या काही दिवसांपासून प्रयत्न करत होता त्यात तुम्हाला यश मिळेल. समाजात मान-सन्मान वाढेल. नोकरीत असलेल्यांना बढतीची चांगली बातमी मिळू शकते. नवीन लोकांशी संपर्क करणे फायदेशीर ठरू शकते. कामाच्या ठिकाणी तुमच्या कामाचं कौतुक होणार आहे.

( Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या. )