IPL 2021: दिल्लीचा पंजाबवर विजय! पॉइंट टेबलवर धोनीच्या संघाला टाकलं मागे

मुंबई: दिल्ली विरुद्ध पंजाब सामना नुकताच नरेंद्र मोदी स्टेडियमवर पार पडला. या सामन्यात दिल्ली संघाने पंजाबवर विजय मिळवला आहे. दिल्लीसाठी हा विजय  मिळवणं अगदीच सोपं होतं. याचं कारण म्हणजे पंजाब संघाचा सर्वात तगडा खेळाडू के एल राहुल मैदानात उतरला नव्हता. ऋषभ पंतच्या संघाने पंजाबवर 7 विकेट्सने दणदणीत विजय मिळवला आहे.

के एल राहुलला रुग्णालयात दाखल केल्यानंतर कर्णधारपदाची जबाबदारी मयंक अग्रवालकडे सोपवण्यात आली होती. दिल्ली विरुद्धच्या सामन्यात पंजाब संघात मयंक अग्रवालने सर्वात जास्त धावा केल्या. 58 चेंडूमध्ये त्याने 99 धावा केल्या मात्र त्याचं शतक हुकलं. 

All Over: @DelhiCapitals beat #PBKS by 7 wickets and with 14 balls to spare to register their 2nd consecutive win. Opener @SDhawan25 finishes unbeaten on 69. #DC have lost only 1 of their last 5 games. https://t.co/Rm0jfZKXXT #PBKSvDC #VIVOIPL #IPL2021 pic.twitter.com/apKB5wS3X7

— IndianPremierLeague (@IPL) May 2, 2021

Very happy with the team's performance today, one of those nights when everything went according to plan 
This one's for the city of Delhi, all the @DelhiCapitals are with you!#YeHaiNayiDilli #RP17 pic.twitter.com/iCMZ7uXhRf

— Rishabh Pant (@RishabhPant17) May 2, 2021

डेव्हिड मलानने 26 धावा केल्या तर ख्रिस गेल 13 धावा करून संघात परतला आहे. पंजाब संघाने 6 गडी गमावून 166 धावा केल्या तर दिल्ली संघाला 167 धावांचं लक्ष्य ठेवलं होतं.

दिल्ली संघामध्ये लक्ष्याचा पाठलाग करताना पृथ्वी शॉने 39 धावा तर शिखरने 69 धावा केल्या. स्टीव स्मिथने 24 तर पंतने 14 धावांची खेळी केली. शिमरोनने 16 धावा केल्या आणि दिल्ली संघाने पंजाबवर विजय मिळवला आहे.