Rajasthan Royals vs Mumbai Indians Live Score in Marathi: आयपीएलच्या इतिहासात राजस्थान रॉयल्स आणि मुंबई इंडियन्स या दोघं संघांची लढत प्रत्येक वेळी फार रंगतदार होते, तर या वर्षी जेव्हा हे दोघं संघ आमनेसामने भिडले होते, तेव्हा राजस्थान रॉयल्सने सहा विकेट्सने मुंबई इंडियन्सला त्यांच्या होमग्राउंडवर पराभूत केले होते. तर आजच्या सामन्यात बघण्यायोग्य गोष्ट असणार की, मुंबई इंडियन्स, राजस्थानला त्यांच्याच घरात हरवुन आपल्या मागील पराभवाची परतफेड पूर्ण करणार का? पॉइंट्स टेबलमध्ये जर नजर टाकली तर राजस्थान 12 पॉइंट्सोबत पहिल्या क्रमांकावर आहे, तर मुंबई ही 6 पॉइंट्ससोबत सातव्या क्रमांकावर आहे.
22 Apr 2024, 23:47 वाजता
राजस्थान रॉयल्सने आपल्या होमग्राउंडवर मुंबई इंडियन्सला 9 विकेट्सने धुळ चारली आहे. यशस्वी जयस्वालच्या शानदार 104 धावांच्या खेळीमुळे राजस्थानने या सामन्यात एकतर्फी दम दाखवला आहे. तर संजू सॅमसनने सुद्धा जयस्वालचे साथ देत 38 धावांची खेळी खेळली आहे. या विजयामुळे राजस्थान पॉइंट्स टेबलमध्ये 14 पॉइंट्स सोबत पहिल्या क्रमांकावर कायम आहे, तर मुंबई इंडियन्स ही सातव्या स्थानावर आहे.
22 Apr 2024, 22:57 वाजता
10 ओव्हरनंतर राजस्थान रॉयल्सचा 95-1 स्कोर असा आहे. जयस्वालने याच ओव्हरमध्ये 31 बॉलमध्ये आपलं अर्धशतक पूर्ण केलं आहे. तर राजस्थानचा कॅप्टन संजू सॅमसन हा 2 धावांवर खेळत आहे.
22 Apr 2024, 22:53 वाजता
पावसाच्या व्यत्ययानंतर, पून्हा खेळ सुरू झाल्यावर पियूष चावलाने 8 व्या ओव्हरमध्ये राजस्थानचा इन फॉर्म फलंदाज जॉस बटलरला 35 धावांवर क्लिन बोल्ड केलं आहे. पहिल्या विकेटनंतर संजू सॅमसन हा फलंदाजीसाठी आला आहे.
22 Apr 2024, 21:59 वाजता
5 ओव्हरनंतर राजस्थानकडून बटलर आणि जयस्वालने टीमला चांगली सुरूवात दिली आहे. बटलर हा 28 धावांवर खेळतोय, तर जयस्वाल हा 23 धावांवर खेळत आहे. तर टीमचा स्कोर 44-0 असा आहे.
22 Apr 2024, 21:17 वाजता
20 ओव्हरनंतर मुंबई इंडियन्सने राजस्थानला 180 धावांचे आव्हान दिले आहे. मुंबईची फलंदाजी जरी सुरूवातीच्या ओव्हरमध्ये डगमदली होती, पण नंतर तिलक वर्मा आणि नेहाल वढेराच्या उत्कृष्ट भागीदारीमुळे मुंबई एका चांगल्या टार्गेटपर्यंत पोहोचण्यात यशस्वी झाली आहे. मुंबईकडून तिलक वर्मा याने 65 धावा, तर नेहाल वढेरा याने पण 49 धावांची इनिंग खेळली आहे. तसेच राजस्थानकडून गोलंदाजीत संदीप शर्माने अतिशय उत्कृष्ट प्रदर्शन करत चक्क 5 विकेट्स घेतल्याये, ट्रेंट बोल्टने 2 विकेट्स, तर चहल आणि आवेश खान यांनी प्रत्येकी 1 विकेट घेतल्या आहेत.
तर आता बघण्यायोग्य ठरेल की, मुंबई मागील सामन्यात राजस्थानने दिलेल्या पराभवाचा बदला घेणार की, राजस्थान परत एकदा मुंबईचा धुव्वा उडवणार?
22 Apr 2024, 20:56 वाजता
ट्रेंट बोल्टने 17 व्या ओव्हरमध्ये चांगली इनिंग खेळत असलेल्या नेहाल वढेराला 49 धावांवर आउट केलं आहे. वढेराने या इनिंगमध्ये 204 च्या स्ट्राइक रेटने, 3 चौकार आणि 4 षटकार मारले होते. पाचव्या विकेटनंतर हार्दिक पांड्या हा फलंदाजीसाठी आला आहे.
22 Apr 2024, 20:51 वाजता
चहलच्या 16 व्या ओव्हरमध्ये तिलक वर्माने कमालीची खेळी खेळत आपलं अर्धशतक पूर्ण केलं आहे. तिलकने या इनिंगमध्ये एकूण 5 चौकार आणि 2 षटकारांच्या मदतीने 40 बॉलमध्ये अर्धशतक पूर्ण केलं आहे.
22 Apr 2024, 20:46 वाजता
15 ओव्हरनंतर मुंबई इंडियन्सचा स्कोर 131-4 असा आहे. तिलक वर्मा आणि नेहल वढेरा यांच्यात एकूण 79 धावांची चांगली भागीदारी झाली आहे. मुंबई इंडियन्सला येथून चांगल्या स्कोरची अपेक्षा असेल.
22 Apr 2024, 20:22 वाजता
10 ओव्हरनंतर मुंबई इंडियन्सचा स्कोर 72-4 असा आहे. चहलने मुंबईच्या मोहम्मद नबीला 8 व्या ओव्हरमध्ये 23 धावांवर बाद केलं होत. यानंतर नेहल वढेरा हा फलंदाजीसाठी आलाय, तर तिलक वर्माने मुंबईच्या फलंदाजीची एक बाजू सांभाळून ठेवली आहे.
22 Apr 2024, 19:55 वाजता
पाच ओव्हरनंतर मुंबई इंडियन्सचा स्कोर असा आहे. राजस्ठानच्या गोलंदाजीने मुंबईच्या फलंदाजीवर चांगलाच लगाम लावुन ठेवलेला आहे, तर मुंबईला आता एक भक्कम भागीदारीची गरज आहे. फलंदाजीसाठी मुंबईकडून तिलक हा 5 धावांवर, तर नबी हा 3 धावांवर खेळताये.
