SAMSUNG च्या या फोन्सवर तब्बल 12 हजार रुपयांपर्यंतची सूट

मुंबई : तुम्ही स्मार्टफोन खरेदी करण्याचा विचार करत आहात? तर मग तुमच्यासाठी आनंदाची बातमी आहे. कारण, सॅमसंग (Samsung Carnival) पुन्हा एकदा आपल्या ग्राहकांसाठी एक खास ऑफर घेऊन आलं आहे. ही ऑफर कंपनीतर्फे फ्लिपकार्टवर देण्यात येत आहे. फ्लिपकार्टवर १२ जून ते १४ जूनपर्यंत सॅमसंग कार्निवल सुरु आहे. तीन दिवस सुरु असलेल्या या कार्निवलमध्ये अनेक फोन्सवर कंपनीतर्फे १२ हजार रुपयांपर्यंत डिस्काऊंट दिला जात आहे. 

या कार्निवलमध्ये गॅलेक्सी एस8, गॅलेक्सी एस8+, गॅलेक्सी ऑन नेक्स्ट आणि गॅलेक्सी जे3 प्रो वर सूट मिळत आहे. सेल दरम्यान सॅमसंगतर्फे सिलेक्टीव्ह प्रोडक्ट्सवर स्पेशल ईएमआय स्किम देण्यात येत आहे. कंपनीने एचडीएफसी बँकसोबत करार केला आहे. त्यामुळे एचडीएफसी बँकेचं डेबिट कार्ड, क्रेडिट कार्ड वापरणाऱ्यांसाठी १० टक्क्यांची सूट मिळणार आहे. स्मार्टफोन सोबतच सॅमसंगचे टीव्ही, फ्रिज, वॉशिंग मशिन ही तुम्ही मोठ्या डिस्काऊंटवर खरेदी करु शकता.

Samsung Galaxy S8 आणि Galaxy S8+

सॅमसंगचा प्रीमियम स्मार्टफोन Samsung Galaxy S8 चा 64GB स्टोरेज असलेला फोन फ्लिपकार्टवर 37,990 रुपयांत मिळत आहे. या फोनच्या किंमतीपेक्षा तब्बल 12 हजार रुपयांनी कमी किमतीत हा फोन ग्राहकांना मिळत आहे. यासोबतच तुम्ही एचडीएफसीच्या कार्डने पेमेंट कराल तर तुम्हाला 10 टक्के अतिरिक्त सूट मिळणार आहे. त्याचप्रमाणे कार्निवलमध्ये Galaxy S8+ या फोनवर 10 हजार रुपयांची सूट मिळत असल्याने हा फोन 43,990 रुपयांत मिळत आहे. 

Samsung Galaxy On Nxt

सॅमसंग कार्निवलमध्ये 17,900 रुपये किंमत असलेला गॅलेक्सी ऑन नेक्स्ट केवळ 10,900 रुपयांत मिळत आहे. यामध्ये कंपनीतर्फे 7,000 रुपयांची सूट मिळत आहे. ही ऑफर केवळ 3GB रॅम आणि 64Gb इंटरनल स्टोरेज असलेल्या मॉडलवर मिळत आहे. तुम्ही 10 हजार रुपयांपर्यंतच्या एक्सचेंज ऑफरचाही लाभ घेऊ शकता. सॅमसंगच्या या फोनमध्ये 5.5 इंचाचा एचडी डिस्प्लेसोबतच 13MP चा रियर कॅमेरा आणि 5MP चा फ्रंट कॅमेरा देण्यात आला आहे. 

Samsung Galaxy On5

सॅमसंगचा गॅलेक्सी ऑन 5 (Galaxy On5)च्या 8GB इंटरनल स्टोरेज असलेल्या व्हेरिएंटवर कंपनीतर्फे देण्यात येणाऱ्या डिस्काऊंटवर 5,999 रुपयांत खरेदी करु शकता. या हँडसेटवरही एचडीएफसी बॅंकेतर्फे 10 टक्के अतिरिक्त डिस्काऊंट दिला जात आहे. फोनच्या फिचरचा विचार केला तर यामध्ये 1.3गिगाहर्ट्जचा क्वॉडकोअर प्रोसेसर असून 8MP चा रियर आणि 5MP चा फ्रंट कॅमेरा देण्यात आला आहे.

Samsung Galaxy S7 Edge

सॅमसंग गॅलेक्सी एस7 चा 32GB स्टोरेज असलेला फोन डिस्काऊंटमुळे 32,900 रुपयांत मिळत आहे. सॅमसंग कंपनीच्या वेबसाईटवर हा फोन 35,900 रुपयांत मिळत आहे. तसेच या फोनवर 14,700 रुपयांपर्यंतची एक्सचेंज ऑफरही उपलब्ध आहे.

यासोबतच सॅमसंग गॅलेक्सी J3 प्रो (Galaxy J3 Pro) या फोनवर 1,800 रुपयांचा डिस्काऊंट मिळत असल्याने हा फोन 6,690 रुपयांत मिळत आहे. कार्निवलमध्ये सॅमसंगचा 32 इंचाचा फ्लॅट एचडी टीव्ही तुम्ही 10,901 रुपयांच्या नफ्यासह खरेदी करु शकता.