Jio ला टक्कर द्यायला Vodafone चा नवा प्लान

मुंबई : Jio च्या 149 प्लानला टक्कर देण्यासाठी वोडाफोनने नवा प्लान लाँच केला आहे. वोडाफोनच्या या प्रीपेड पॅकची किंमत फक्त 169 रुपये आहे. यामध्ये अनलिमिटेड कॉल, डेटा सारख्या ऑफर्स मिळणार आहे. अशी चर्चा आहे की वोडाफोनचा हा नवा प्लान रिलायन्स जिओच्या 149 ला मोठी टक्कर देणार आहे. 

जाणून घेऊया वोडाफोनच्या नव्या पॅकमधील ऑफर्सबद्दल 

वोडाफोनच्या नव्या 169 प्लानच्या प्रीपेड पॅकमध्ये अनलिमिटेड लोकल आणि नॅशनल कॉलिंग, मोफत रोमिंग, 1 जीबी 3जी/4जी डेटा प्रत्येक दिवशी दिला जाणार आहे. यासोबतच 100 एसएमएस प्रतिदिवस अशी सुविधा यामध्ये आहे. वोडाफोनच्या या रिचार्जची सुविधा 28 दिवसांकरता आहे. 

तुलना केली तर जिओच्या 149 रुपये प्लानमध्ये अनलिमिटेड कॉलिंगसोबत 1.5 जीबी 4 जी डेटा प्रत्येक दिवशी म्हणून एकूण 42 जीबी डेटा. तसेच 100 एसएमएस प्रत्येक दिवशी ऑफर केले आहे. या पॅकची वैधता ही 28 दिवसांची आहे. 

खास गोष्ट ही आहे की, जिओ अनलिमिटेड डेटा ऑफर करत असून 1.5 जीबी डेटा संपल्यानंतर स्पीड कमी होऊन 64kbps राहणार आहे तर वोडाफोनमध्ये 1 जीबी डेटा संपल्यानंतर 50 पैसे प्रती एमबीने हिशेब केला जाईल. 

वोडाफोनने अनलिमिटेड कॉलसोबत काही लिमिट देखील ठेवण्यात आली असते. वोडाफोनच्या पॅकमध्ये 250 मिनिट प्रत्येक दिवशी आणि 1 हजार मिनिट प्रत्येक आठवड्याची लिमिट आहे. या लिमिटला संपवल्यानंतर युझर 1.2 पैसा प्रति सेकंद किंवा 1 रुपये प्रति मिनिट या हिशेबाने पैसे आकारले जातील. पण जिओच्या प्रत्येक रिचार्ज पॅकवर जिओ अॅप्स सूटचा मोफत ऐक्सेस मिळतो. 

वोडाफोनने नुकतेच 6 अॅक्टिव रिचार्ज पॅक लाँच केले आहेत. या अॅक्टिव रिचार्ज पॅकची किंमत 25 रुपये, 35 रुपये, 65 रुपये, 145 रुपये आणि 245 रुपये असं आहे.