बघता बघता पाळीव कुत्र्याने तब्बल 3 लाखाहून अधिक रुपये खाल्ले, मालकाने 'या' पद्धतीने मिळवले अडीज लाख
एका पाळीव कुत्र्याने मालकाचे तब्बल 3 लाखाहून अधिक रुपये खाल्ल्याचा प्रकार उघडकीस आला आहे. कुत्र्याची अचानक तब्बेत बिघडल्याने हा प्रकार उघडकीस झाला आहे.
)
'नजर हटी दुर्घटना घटी' ... हे वाक्य आपण अनेकदा ऐकलं असेल. ज्यानंतर फक्त पश्चाताप करण्याची वेळ येते. हल्लीच एक असा प्रकार सोशल मीडियावर उघडकीस आला आहे. एका पाळीव कुत्र्याने आपल्या मालकाचे जवळपास 3 लाख रुपये खाल्ल्याचे समोर आले आहे. अचानक कुत्र्याची तब्बेत बिघडल्यानंतर हा सगळा प्रकार उघडकीस आला आहे. तेव्हा मालकाच्या लक्षात आलं की, आपल्या हातून खूप मोठी चूक झाली. ही घटका त्या लोकांसाठी खूप मोठा धडा आहे. जे आपल्या घरी पाळीव प्राणी पाळतात. त्यांनी कुत्र्याजवळ मौल्यवान गोष्टी ठेवणे टाळले पाहिजे.
न्यूयॉर्क पोस्टच्या वृत्तानुसार, हे प्रकरण अमेरिकेतील पेनसिल्व्हेनिया येथील आहे. जिथे एका कुत्र्याने मालकाचे तीन लाख रुपये खाल्ले. सेसिल असे या कुत्र्याचे नाव असून तो गोल्डनडूडल जातीचा आहे. ब्रिटनमधील एका जोडप्याने सांगितले की; त्यांच्या पाळीव कुत्र्याने त्यांचे 4,000 डॉलर म्हणजेच 3.32 लाख रुपये घरात त्यांच्यासमोर चघळले. कॅरी लॉ नावाच्या 33 वर्षीय महिलेने सांगितले की, तिचा पाळीव कुत्रा सेसिलने किचनच्या काउंटरवर ठेवलेले पैसे अचानक झटकले आणि नंतर ते खायला सुरुवात केली. एका कंत्राटदाराला देण्यासाठी तिने किचन काउंटरवर $4000 रोख भरलेला एक लिफाफा ठेवला होता. तेच पैसे पाळीव कुत्र्याने खाल्ल्याचे समोर आले.
पाहा कुत्र्याचा व्हिडिओ
3 लाखांहून अधिक रुपये खाल्ले
असे सांगितले जात आहे की, हे जोडपे घरातील कामात व्यस्त होते. दरम्यान, अचानक कॅरीचा पती क्लेटनची नजर तिचा पाळीव कुत्रा सेसिलवर पडली. क्लेटन ओरडला, बघ सेसिल काय करतोय. कॅरी म्हणाली, हे दृश्य पाहून मी थक्कच झालो. मला हृदयविकाराचा झटका येतो की काय असं वाटलं. दाम्पत्याच्या म्हणण्यानुसार, त्यांनी त्यांच्या संयुक्त खात्यातून हे पैसे काढले होते, जे काही खास कामासाठी होते. या जोडप्याने सांगितले की, त्यांना किचन काउंटरवर ठेवल्यानंतर अर्धा तास उलटून गेला होता, तेव्हा सेसिलने काही मिनिटांतच ते चघळले आणि गिळले. कुत्र्याची प्रकृती पूर्वीपेक्षा थोडी बिघडल्याचे बोलले जात आहे.
मग काय करावं लागलं?
या जोडप्याने फाटलेल्या नोटा जमा करण्यास सुरुवात केली जेणेकरून त्यांना त्या बँकेतून बदलून मिळतील. दरम्यान, या जोडप्याने कुत्र्याच्या दातांमध्ये अडकलेल्या चलनी नोटांचे तुकडे बाहेर काढण्याचा प्रयत्न केला, मात्र सर्व प्रयत्न निष्फळ ठरले. शेवटी तो त्याच्या पाळीव कुत्र्या सेसिलच्या स्टूलची वाट पाहू लागला. कुत्र्याने विष्ठा केल्यावर त्या जोडप्याने त्यातल्या नोटा शोधायला सुरुवात केली. कॅरीच्या म्हणण्यानुसार, त्याने चलनी नोटांचे तुकडे कुत्र्याच्या विष्ठेने धुवून काढले. यामध्ये फार कमी नोटा शिल्लक होत्या. विशेष बाब म्हणजे ज्या नोटांमध्ये अनुक्रमांक दिसत होते त्या सर्व नोटा स्वीकारण्यास बँक तयार होती. या सगळ्यात त्याने एकूण $450 (रु. 37400) गमावले.