मेक्सिकोमध्ये ७.४ रिश्टर स्केलचा भूकंप, मोठी त्सुनामी येण्याची शक्यता

मेक्सिको सिटी : मेक्सिको आणि मेक्सिकोच्या अनेक दक्षिण आणि मध्य भागात मेक्सिकोमध्ये भूकंपाचे (Earthquake in Mexico) तीव्र तीव्र धक्के जाणवले. रिश्टर स्केलवर भूकंपाची तीव्रता ७.४ होती. या भूकंपामुळे अनेक नागरिक घाबरुन घराबाहेर पडलेत. तसेच अनेक जण काही काळ भीतीच्या छायेखाली होते, अशी माहिती एका अधिकाऱ्यांने दिली.

ट्विटरवर शिन्हुआच्या म्हणण्यानुसार, भूकंप सकाळी १०.२९ वाजता झाला आणि या भूकंपाचे केंद्र क्रुसेटाच्या दक्षिणेस २३ कि.मी. दक्षिण भागातील दक्षिण ओएक्सका राज्यातील एका गाव होता. हा भूकंप इतका मोठा होता की लोक घाबरुन रस्त्यावर आले. अनेक लोक भीतीखाली वावरत होते.

An earthquake of magnitude 7.4 on the Richter scale hit Oaxaca, Mexico: US Geological Survey

— ANI (@ANI) June 23, 2020

राष्ट्रीय नागरी संरक्षण समन्वयच्या माहितीनुसार सात राज्यांमध्ये भूकंपाचा धक्का जाणवला. मेक्सिको सिटी शहरात शहरातील दोन इमारतींचे किरकोळ नुकसान झाल्याची नोंद झाली आहे, परंतु कोणीही जखमी झाले नाही.

या भूकंपातून दोन लोकांचा मृत्यू झाल्याचे ओएक्सकाचे राज्यपाल अलेजान्ड्रो मुरत यांनी सांगितले. अध्यक्ष अँड्रेस मॅन्युएल लोपेज ओब्रेडॉर यांनी म्हटले आहे की, तेल आणि वीज निर्मिती केंद्रे यासारख्या प्रमुख पायाभूत सुविधांवर भूकंपाचा परिणाम झालेला नाही. 

अमेरिकेच्या त्सुनामी मॉनिटरिंग सिस्टमने राज्यात त्सुनामीचा इशारा देखील जारी केला आहे. भूकंपानंतर मेक्सिको, दक्षिणी मेक्सिको, ग्वाटेमाला, अल साल्वाडोर आणि होंडुरासमध्ये त्सुनामी येऊ शकते, असे सांगण्यात येत आहे. त्सुनामीच्या पार्श्वभूमीवर लोकांना समुद्रापासून दूर जाण्याचा सल्ला देण्यात आला आहे.