या देशात ऑफिसमध्ये काम करणाऱ्यांना रोमान्ससाठी चक्क सुट्टीची ऑफर, पगारही कापला जाणार नाही!

फोटो सौजन्य - जपान टाइम्स

टोकियो : ऑफिसला जाणारा प्रत्येकजण सुट्टीसाठी आठवडाभर थांबतो. लोक सुट्ट्यांचा आनंद घेण्यासाठी योजना बनवतात. पण एक असाही देश आहे जिथे कार्यालये जोडप्यांना (Couples) रजा देतात जेणेकरून ते घरी जाऊन प्रणय करू शकतील. ही बाब जाणून तुम्हाला नक्कीच आश्चर्याचा धक्का बसला असेल. पण ही गोष्ट पूर्णपणे सत्य आहे.

ही सुट्टीची ऑफर जपानमध्ये (Japan) देण्यात आली आहे. वास्तविक, जपान आपल्या घटत्या लोकसंख्येच्या संकटातून जात आहे. जपानची लोकसंख्या 126 दशलक्षांपेक्षा कमी झाली आहे. त्याचवेळी, जपानचा प्रजनन दर सुमारे 1.4 टक्के राहिला आहे. यामुळे व्यथित होऊन जपान सरकार जोडप्यांना जास्तीत जास्त मुले होण्यास सांगत आहे. देशाची लोकसंख्या वाढवण्यासाठी तेथील सरकार मुलांना जन्म देण्यासाठी कार्यालयातून रजा देत आहे. 

काय आहे सुट्टीची ही ऑफर 

जपानमधील सर्व कार्यालयांमध्ये जोडप्यांना ही सुट्टी दिली जाईल. एका वर्षात मुले होण्यासाठी जोडप्यांना 10 सुट्ट्या घेता येतात. आश्चर्यकारक गोष्ट म्हणजे या काळात त्याचा पगार कापला जात नाही.

वृद्धत्वाच्या संकटाला सामोरे जाण्यासाठी घेतला निर्णय

जपानमध्ये तरुणांची संख्या घटत आहे. त्याचवेळी वृद्धत्वाची लोकसंख्या वाढत आहे. त्यामुळे या वाढत्या वृद्धत्वाच्या लोकसंख्येच्या संकटातून वाचण्यासाठी हा निर्णय घेण्यात आला आहे. जपान जगातील सर्वात वृद्धांची जास्त लोकसंख्या असलेला देश बनला आहे. म्हणजेच जपानमधील वृद्ध लोकसंख्या तरुण लोकसंख्येपेक्षा खूप मोठी झाली आहे. जर हे असेच चालू राहिले तर 2040 पर्यंत जपानच्या एकूण लोकसंख्येच्या 35 टक्के वृद्ध लोकसंख्या असेल. जपानने तांत्रिकदृष्ट्या बरीच प्रगती केली आहे. परंतु सामाजिकदृष्ट्या कमी लोकसंख्येच्या टप्प्यातून जात आहे.

तेथील सरकार तरुण जोडप्यांना अधिकाधिक मुले होण्यासाठी विनंती करत आहे. माहितीनुसार, जपानच्या जोडप्यांना काम आणि मुले एकत्र करायची इच्छा नाही. म्हणूनच जपान सरकारला ही योजना आणावी लागली.